巷仔內

Open Now

Now Closed

前排同朋友去開觀塘工廠區買野，見到呢間餐廳嘅網上評價唔錯，又咁岩想食台灣野，就簡咗呢間餐廳試下。餐廳環境舒適，行簡約木約風，座位亦都好寬敞；餐廳去到16:00-21:00仲會提供飲料無限暢飲，包括綠茶同冬瓜茶，個人特別推介綠茶，茶味香濃，最緊要佢係無糖嘅，夠哂健康！🍗 手撕巨大炸半雞👍炸雞外脆內嫩，非常juicy；岩岩拎上檯個陣，炸雞仲係熱辣辣，味道好似平時食鹽酥雞嘅味道。炸雞喺平日只會14:30後供應，星六日同假日全日都有供應，每日數量有限，想食嘅話要趁早食！🍜 犇三寶牛肉麵 配陽春麵👍👍牛肉麵配料非常豐富，有牛筋、牛肚同牛肉，湯底非常香濃，帶微辣花椒味，而陽春麵亦都非常掛湯，附送嘅溏心蛋亦都非常出色，做到半流心效果。🍚 府城蝦捲魯肉便當👍蝦捲經過油炸之後，外皮非常香脆，內裡嘅魚漿亦都非常彈牙，再配上軟嫩嘅魯肉，好岩撈埋白飯一齊食。🥢馬告香腸 配香濃芝士醬馬告香腸其實就係台灣香腸，馬告即係山胡椒，係台灣原住民經常用到嘅一種調味料，配埋芝士醬一齊食，味道更豐富。🥢快樂地瓜球地瓜球外層脆卜卜，口感非常Q彈，每一粒地瓜球都可以食到多重口感，味道香甜，但個人覺得紫薯味比較香濃。