Video
Read full review
2023-01-27
331 views
星期六同呀媽去觀塘換智能身份證，整完順便喺附近食埋晚餐。我哋好少行嚟呢邊，以為無乜餐廳，但原來都唔係，其中有一間叫「森樂小廚」，阿媽睇完餐牌話啱食😜。店舖裝修簡約舒服🌿，但如果平日午市坐滿人，可能就會有少少迫。小店有唔少熟客嚟買外賣，店員態度親切有禮。餐廳主打星馬菜式🇲🇾🇸🇬，例如有肉骨茶、海南雞、串燒、喇沙、小菜同炒粉麵飯等。佢定價屬中等水平，而下午茶餐就幾抵食。森樂海南雞飯($68)，海南雞飯係餐廳嘅招牌菜，套餐內容完整，賣相吸引👍。海南雞去咗骨，大大啖肉，食用方便。我無加錢轉雞髀，但即使係雞胸，肉質都非常嫩滑🐔。雞肉新鮮冇雪味，配上三色醬汁食，還原傳統風味。餐湯係椰子紅蘿蔔雞湯🥥，湯品味道清甜，椰子香撲鼻，無添加味精，而且仲難得一啲都唔油膩。油飯色澤均勻🍚，並滲出淡淡油香，飯粒分明，軟硬適中，食落感覺無乜負擔。另外佢仲跟咗個涼拌開胃菜，醋浸木耳，酸酸哋開胃又爽脆。黃金軟殼蟹($148)，阿媽指定話要食軟殼蟹🦀，菜式擺盤比較隨意，但味道取勝。軟殼蟹切開咗，但夾埋應該足兩隻，蟹衣皮薄唔韌、蟹肉肥美鮮香。黃金意指鹹蛋黃🍳，炸軟殼蟹蘸滿金沙汁，鹹香味濃，充滿流沙口感。香茅豬扒($38)，
星期六同呀媽去觀塘換智能身份證，整完順便喺附近食埋晚餐。我哋好少行嚟呢邊，以為無乜餐廳，但原來都唔係，其中有一間叫「森樂小廚」，阿媽睇完餐牌話啱食😜。
店舖裝修簡約舒服🌿，但如果平日午市坐滿人，可能就會有少少迫。小店有唔少熟客嚟買外賣，店員態度親切有禮。
森樂海南雞飯
$68
7 views
0 likes
0 comments
森樂海南雞飯($68)，海南雞飯係餐廳嘅招牌菜，套餐內容完整，賣相吸引👍。海南雞去咗骨，大大啖肉，食用方便。我無加錢轉雞髀，但即使係雞胸，肉質都非常嫩滑🐔。雞肉新鮮冇雪味，配上三色醬汁食，還原傳統風味。
餐湯係椰子紅蘿蔔雞湯🥥，湯品味道清甜，椰子香撲鼻，無添加味精，而且仲難得一啲都唔油膩。
油飯色澤均勻🍚，並滲出淡淡油香，飯粒分明，軟硬適中，食落感覺無乜負擔。另外佢仲跟咗個涼拌開胃菜，醋浸木耳，酸酸哋開胃又爽脆。
黃金軟殼蟹($148)，阿媽指定話要食軟殼蟹🦀，菜式擺盤比較隨意，但味道取勝。軟殼蟹切開咗，但夾埋應該足兩隻，蟹衣皮薄唔韌、蟹肉肥美鮮香。黃金意指鹹蛋黃🍳，炸軟殼蟹蘸滿金沙汁，鹹香味濃，充滿流沙口感。
香茅豬扒($38)，我哋見呢個小食幾平就嗌吓，估唔到仲有成兩大塊。🐷豬扒嘅香茅味道突出，相當惹味，但就咁食有少少乾，如果配醬汁食應該更出色，就例如咖喱豬扒飯咁。
飲品方面，跟餐可享優惠價，我哋要咗凍檸檬薏米水🍋同埋凍蜂蜜紅棗茶❤️，嘢飲超級大杯。兩款都係自家製健康飲品，而且預設少甜，適合現今口味。
總括嚟講，我哋竟然無意中喺觀塘海濱，發掘咗水準不俗嘅星馬滋味😊。今餐睇落唔係嗌咗好多嘢食，但份量足，飽到近乎食唔晒。餐廳設有多人套餐，堂食同外賣都有，有興趣嘅不妨試吓。
Post
