Video
Read full review
2020-11-11
441 views
呢晚放工去咗觀塘APM隔離嘅港貿中心，幫襯「榕易燒泰式串燒專門店」。我上星期先食過餐廳嘅姐妹車仔麵店🍜，得悉位於九龍城嘅串燒店搬咗去觀塘。星期二晚上餐廳爆哂場，本身仲諗住可以坐室外位添，好彩最終有張吧枱接濟我哋😗。餐廳主要賣泰國菜🇹🇭，包括串燒🍢、小食、沙律、炒菜、湯羹、咖喱同炒飯麵等。菜式選擇頗多的，價錢亦都算抵食。泰式炸蝦餅($48)，炸蝦餅唔係一大塊切件嗰種，而係有六小件。🍤蝦餅外皮超脆的，蝦膠部份口感彈牙，但如果可以厚生啲就無敵。肉類串燒方面，我哋要咗燒黑毛豬肋條($48)同鹽燒厚切牛舌($28)。🐷豬肋骨起咗骨，剩番肉，食用方便，肉質幾有咬口，我自己覺得醬汁落得重手咗少少。🐮👅厚切牛舌果然無呃人，牛脷大大塊，目測有1 cm厚呢，正。蔬菜串燒方面，我哋要咗王牌燒菠蘿條($24)同燒粟米($14)。🍍燒菠蘿果然係王牌必食推介😋，菠蘿燒完仍然保持多汁，上碟時經已切粒，所以可以一啖肉一啖菠蘿咁放入口，滋味無窮。燒粟米就正正常常啦，有啲乾身，建議塗啲牛油喺面燒。蒜蓉牛油焗雜菇($32)，🍄菇菇係賣飛佛，蒜蓉牛油焗嘅味道超香口，雜菇有九成係金菇，好食嘅，但多啲種類就更好了😛。泰式炒金邊粉
呢晚放工去咗觀塘APM隔離嘅港貿中心，幫襯「榕易燒泰式串燒專門店」。我上星期先食過餐廳嘅姐妹車仔麵店🍜，得悉位於九龍城嘅串燒店搬咗去觀塘。
星期二晚上餐廳爆哂場，本身仲諗住可以坐室外位添，好彩最終有張吧枱接濟我哋😗。
餐廳主要賣泰國菜🇹🇭，包括串燒🍢、小食、沙律、炒菜、湯羹、咖喱同炒飯麵等。菜式選擇頗多的，價錢亦都算抵食。
泰式炸蝦餅($48)，炸蝦餅唔係一大塊切件嗰種，而係有六小件。🍤蝦餅外皮超脆的，蝦膠部份口感彈牙，但如果可以厚生啲就無敵。
肉類串燒方面，我哋要咗燒黑毛豬肋條($48)同鹽燒厚切牛舌($28)。🐷豬肋骨起咗骨，剩番肉，食用方便，肉質幾有咬口，我自己覺得醬汁落得重手咗少少。🐮👅厚切牛舌果然無呃人，牛脷大大塊，目測有1 cm厚呢，正。
王牌燒菠蘿條
$24
10 views
0 likes
0 comments
蒜蓉牛油焗雜菇($32)，🍄菇菇係賣飛佛，蒜蓉牛油焗嘅味道超香口，雜菇有九成係金菇，好食嘅，但多啲種類就更好了😛。
泰式炒金邊粉($68)，我食親泰國菜都一定會嗌Pad Thai。炒粉賣相吸引😍，每條金邊粉都上晒色同好入味。呢碟炒粉嘅口味幾啱我，因為偏酸，好惹味；份量亦夠多，飽肚之選。
飲品方面🥤，我哋要咗泰式鹹檸七($18)同泰式青檸梳打($18)。味道唔錯，唔會過甜，又能解渴。店員仲話鹹檸七可以解熱氣添～。
總括嚟講，榕易燒嘅食物水準拍得住車仔麵😎。本身驚餐廳咁多客、上菜會好慢，點知又OK喎，正常速度。我認為餐廳收費唔貴，呢餐我哋落樓每人只需$150，又免加一服務費👍。
Post
