森．湯咖哩 (Closed)

未去到日本竟然係觀塘可以食到湯咖哩，記得呢間店前身都係日本野黎，今次黎先知原來變左做湯咖哩，大大幅壁畫牆都幾有特色😎🔸帶子沙茶湯烏龍麵配吉列蝦（HK$117）湯底叫左沙茶，味道都算濃郁，而且質地比較稠，3粒嘅帶子口感都算彈牙，仲有糖心蛋等配菜，今次仲用優惠價叫小食，不過好多都話賣曬，就試左吉列蝦🤠🔸和牛漢堡扒湯咖哩飯（HK$118）湯咖哩可以選擇辣度，配菜有唔同嘅蔬菜，例如西蘭花、南瓜、菇、粟米以及蕃茄，都幾吸咖哩味👅和牛漢堡味道正常，湯咖哩可以就咁食或者配飯唔同食法🍛🔸開心果味刨冰（HK$71）呢個刨冰意外地係今餐最鍾意嘅食物，外層有開心果醬，刨冰入面仲有開心果碎，食落好濃開心果味，仲好大碗添😍