御膳

Open Now

Now Closed

自從疫情好轉開放番晚市堂食，開始報復式出街食飯。今次同屋企人黎到觀塘依間幾出名既私房菜，地方舒適得黎食材都好高質，冇令我失望。富貴金龍，好大份，係用左原條2斤沙巴龍躉做，每件魚都炸到外脆內軟，好香口避風塘炒大肉蟹，好耐冇食過避風塘炒蟹，辣辣地再有埋鍋味好正，蟹肉都十分 juicy上湯花龍蝦，龍蝦好新鮮，肉質彈牙爽口，入面啖啖龍蝦肉，完全值依個價蒜蓉粉絲蒸蟶子皇，蟶子超鮮甜，粉絲索哂 d 佢既肉汁，配埋蒜蓉好香好開胃。古法豉油雞，雞肉好嫩滑，份量都幾多下，肉又唔會太肥膩，唔錯荔茸百花卷，賣相已經吸引，好特別，入面有用左芋頭、芹菜同埋新鮮大海蝦做，食落去好鬆化，芋頭味好香濃，值得一試