牛站(駅)麻辣火鍋放題

Open Now

Now Closed

今日 約左幾位朋友去觀塘食飯，經過觀塘道接左張牛站（駅）嘅傳單， 午餐好抵我地就食就決定食牛站（駅）。湯底我哋選擇咗昆布柴魚鍋同香濃蕃茄豬骨鍋， 湯底好足料 昆布大大片配搭柴魚令到湯底好鮮甜。 香濃蕃茄豬骨湯鍋，濃郁帶點酸甜好醒胃。我哋叫2號餐， 午餐提供食物都相當豐富，蔬菜新鮮翠綠，仲有好多配料小食選擇，有響鈴、炸魚皮、油炸鬼、炸香芋頭、午餐肉、台北鴨血、鵪鶉蛋、水土魷魚、、蛋餃，海蜇花等等。美國特級肩胛肉眼， 肉質相當鮮嫩， 油花分佈均勻。甜品同雪糕選擇好多， 仲有我最鍾意嘅movenpick 同häagen-dazs, 淨係食雪糕都值門票價😂。