Video
Read full review
2023-02-26
24 views
嚟介紹特色餐廳啦🍜機緣巧合之下，又嚟到觀塘食嘢啦😭🐷。今次我就想同大家介紹一間位於觀塘嘅麵食餐廳✨。呢間餐廳係有日本人同本地人合作開設㗎，所以可以話係將兩地嘅文化融合咗喺麵食入邊🫡。同埋餐廳嘅食材都好講究㗎🥰，餐廳嘅所有肉類都係經過慢煮處理，另外佢嘅湯底洋蔥大蒜雞白湯同大地魚蝦米湯都係經過老闆改良🤪，仲保證係每日新鮮製造添🤩。想知我嗰日食咗啲咩，就一定要繼續睇落去啦～食物方面☝🏻#胡麻雞拌麵($48)首先介紹嘅係呢份胡麻雞拌麵❤️，餐廳真係夠晒貼心，俾你自由配搭咁揀🤞🏻。喺雞肉方面我就揀咗雞胸肉🐓，雞胸肉識落真係好滑，完全係補充蛋白質必須嘅食物😚，而喺湯底方面我就揀咗洋蔥大蒜雞湯😍，我飲嘅每一啖都係雞湯精華🤤，而且大蒜都唔會搶走雞原有嘅香味。另外我揀咗蒟蒻麵添😋，餐廳蒟蒻麵特別之處係用咗日本紅蘿蔔製成㗎🥕，所以見到個顏色同普通嘅蒟蒻麵都有分別✨。有芝麻醬一齊撈，簡直係令到我食慾大增😬。另外拌麵入面仲有青瓜條可以食，青瓜夠晒爽脆🥒，成個拌麵比我嘅感覺就係低卡路里之選🥰。#安格斯雙拼湯麵（$69）之後想介紹嘅主食就係呢份安格斯雙拼湯麵🐂，就咁睇個賣相真係好靚，充滿着日式嘅風格🇯🇵，影相效果可
機緣巧合之下，又嚟到觀塘食嘢啦😭🐷。今次我就想同大家介紹一間位於觀塘嘅麵食餐廳✨。呢間餐廳係有日本人同本地人合作開設㗎，所以可以話係將兩地嘅文化融合咗喺麵食入邊🫡。同埋餐廳嘅食材都好講究㗎🥰，餐廳嘅所有肉類都係經過慢煮處理，另外佢嘅湯底洋蔥大蒜雞白湯同大地魚蝦米湯都係經過老闆改良🤪，仲保證係每日新鮮製造添🤩。想知我嗰日食咗啲咩，就一定要繼續睇落去啦～
食物方面☝🏻
#胡麻雞拌麵($48)
首先介紹嘅係呢份胡麻雞拌麵❤️，餐廳真係夠晒貼心，俾你自由配搭咁揀🤞🏻。喺雞肉方面我就揀咗雞胸肉🐓，雞胸肉識落真係好滑，完全係補充蛋白質必須嘅食物😚，而喺湯底方面我就揀咗洋蔥大蒜雞湯😍，我飲嘅每一啖都係雞湯精華🤤，而且大蒜都唔會搶走雞原有嘅香味。另外我揀咗蒟蒻麵添😋，餐廳蒟蒻麵特別之處係用咗日本紅蘿蔔製成㗎🥕，所以見到個顏色同普通嘅蒟蒻麵都有分別✨。有芝麻醬一齊撈，簡直係令到我食慾大增😬。另外拌麵入面仲有青瓜條可以食，青瓜夠晒爽脆🥒，成個拌麵比我嘅感覺就係低卡路里之選🥰。
#安格斯雙拼湯麵（$69）
之後想介紹嘅主食就係呢份安格斯雙拼湯麵🐂，就咁睇個賣相真係好靚，充滿着日式嘅風格🇯🇵，影相效果可以話係一流👍。講返嘢食先，安格斯雙拼分別有汆燙封門柳同埋慢煮牛爽腩🤭。封門柳韌性十足，口感一流，真係證明冇用到鬆肉粉🫡。而牛爽腩食落就真係好嫩滑😍，同我嗌嘅蕃茄南瓜濃湯好match🍅🎃，喺最底仲有啲茄湯精華㗎😋。另外我仲叫咗菠菜麵，菠菜麵帶有淡淡清香，有咬口，成個配搭都有種好新鮮嘅感覺🫶🏻。
#黃金炸芝士（$35）
之後要介紹嘅小食就係呢份黃金炸芝士🧀，炸芝士咬落夠晒軟滑😚，入口即溶。另外佢個醬料都好有誠意🤞🏻，佢嘅蕃茄醬並唔係普通嘅罐頭茄醬🥫，而係用真材實料整嘅洋蔥蕃茄醬❤️。令成份炸芝士都加晒分🤤，食到停唔到口🤪。
評分以🌕表示（滿分為5）
環境：🌕🌕🌕🌕🌑
賣相：🌕🌕🌕🌕🌑
味道：🌕🌕🌕🌕🌑
服務：🌕🌕🌕🌕🌑
Post
