Thai Fire

晚上來觀塘工廈覓食，今晚去泰國菜，小店以灰粉紅、灰色裝潢，感覺好浪漫，座位好寬敞坐得舒服。青木瓜沙律 $88大大碟超多青木瓜，非常爽脆，味道酸中帶甜，越食越辣好刺激，不過辣味好快散去，個底仲有沙律菜，拌勻食更清爽，好開胃的沙律。泰式咖哩角 $68炸得金黃色，好香脆，皮夠薄又唔油，餡料滿滿，咖哩味好香且不太辣，沾帶香茅同香葉味的醬，味道更突出。醬香蹄膀 $388主菜係晚市新品的醬香蹄膀 (限量供應)，超級大隻豬蹄，非常入味，質感很鬆化軟腍，用筷子一夾就可以骨肉分開，豬皮充滿膠質好正，連一絲絲的豬肉同少少脂肪位，香軟嫩腍。可以用生菜包住食會無咁膩，加九層塔同炸蒜及炸乾蔥，更添香味。有甜辣口味醬汁及咸鮮帶辣的魚露汁，令味道更豐富。熱帶水果茶 (jar) $98茶味適中，果香味豐富，份量幾多，夠4人享用，清爽解膩又夠冰凍。彩虹椰汁糕 $50賣相吸引可以打卡，顏色好夢幻，花時間用心機一層層整，椰汁味濃郁，口感Q彈軟滑。