Video
Read full review
2024-11-07
0 views
泰味泰國餐廳今次要介紹喺觀塘時運工業大廈入面有一間隱世泰國菜餐廳，隱世到升降機一開只係見到雨傘舖，左搵右搵先搵到呢間隱世泰國菜餐廳，一入到去見到幾乎全部爆滿，輪椅人士如果要去呢間餐廳食野都超方便，時運工業大廈隔離有好多巴士站，搭巴士嚟呢一度好方便，沿途無障礙，有升降機又唔洗用斜板，環境又算好大，簡直啱哂大家心水！1.泰式蝦膏海鮮炒飯$70+凍泰式奶茶$3（9/10）呢碟泰式蝦膏海鮮炒飯個飯炒得好香，海鮮配料都算好多，入面有青口、蝦仁、魷魚、青瓜、蕃茄同三色豆等，果日咁啱呢個套餐加$3就可以飲到凍泰式奶茶，呢杯凍泰式奶茶只係有少少甜，都算好飲！2.泰式小食拼盤$118（8/10）有選擇困難症嘅你不妨叫呢個泰式小食拼盤，一共有四款小食，每款3舊，總有一款小食啱你食，我自己就最鍾意炸蝦餅同炸春卷！3.泰式串燒（半打，牛雞各3）$98（8.5/10）串燒我揀咗3串牛肉同3串雞肉，牛肉有少少韌，雞肉有少少咸，都係荃灣泰味最正！4.海鮮冬陰功湯（細）$82（10/10）呢個細份嘅海鮮冬陰功湯，一遞上枱唔覺得細份，四人一齊飲都足夠，入面海鮮配料非常多，有大量秀珍菇、青口、魷魚同蕃茄等，酸酸辣辣好開胃
今次要介紹喺觀塘時運工業大廈入面有一間隱世泰國菜餐廳，隱世到升降機一開只係見到雨傘舖，左搵右搵先搵到呢間隱世泰國菜餐廳，一入到去見到幾乎全部爆滿，輪椅人士如果要去呢間餐廳食野都超方便，時運工業大廈隔離有好多巴士站，搭巴士嚟呢一度好方便，沿途無障礙，有升降機又唔洗用斜板，環境又算好大，簡直啱哂大家心水！
1.泰式蝦膏海鮮炒飯$70+凍泰式奶茶$3（9/10）
呢碟泰式蝦膏海鮮炒飯個飯炒得好香，海鮮配料都算好多，入面有青口、蝦仁、魷魚、青瓜、蕃茄同三色豆等，果日咁啱呢個套餐加$3就可以飲到凍泰式奶茶，呢杯凍泰式奶茶只係有少少甜，都算好飲！
2.泰式小食拼盤$118（8/10）
有選擇困難症嘅你不妨叫呢個泰式小食拼盤，一共有四款小食，每款3舊，總有一款小食啱你食，我自己就最鍾意炸蝦餅同炸春卷！
3.泰式串燒（半打，牛雞各3）$98（8.5/10）
串燒我揀咗3串牛肉同3串雞肉，牛肉有少少韌，雞肉有少少咸，都係荃灣泰味最正！
4.海鮮冬陰功湯（細）$82（10/10）
呢個細份嘅海鮮冬陰功湯，一遞上枱唔覺得細份，四人一齊飲都足夠，入面海鮮配料非常多，有大量秀珍菇、青口、魷魚同蕃茄等，酸酸辣辣好開胃，好好飲！
5.芒果糯米飯$55（7/10）
呢個芒果糯米飯無荃灣泰味咁正，糯米飯有少少硬心，芒果切得唔夠肉厚，椰汁又淋得太多，變相唔夠美觀！
6.原個椰青$42（10/10）
呢個椰青好飲過荃灣泰味，飲落好清甜！
最後仲送咗兩碗椰汁芋頭西米露比我哋飲，唔會好甜，芋頭夠淋身，好飲！
P.S：由2024年11月1日起，凡出示殘疾人士登記證，只要消費，全枱每一位送泰式奶茶及一個指定泰式甜品。
2人總共價錢$468
個人口味總評分：8.75/10
@thai_tastyy
地址：觀塘觀塘道404號時運工業大廈1樓C室
Please follow me🙆♂️ @wheelchaireatinhongkong
如果鍾意我嘅分享，麻煩請follow我，仲有記得Like同Share！🙏🏻🙇🏻♂️
#泰味泰國餐廳 #泰國菜 #觀塘 #觀塘好去處 #觀塘美食 #時運工業大廈 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
Post
