Video
Read full review
2024-11-30
852 views
閒日想同朋友搵間靜靜地嘅Cafe食個Lunch ，喺觀塘工廠區發現呢間隱世高質西餐廳，環境幽靜，木系餐椅配灰色牆身，裝修得十分有格調。美國1855安格斯肉眼：擺盤十分吸引，用嚟影相打卡一流，份量ok，兩個人食啱啱好，肉質亦非常鮮嫩，落單嘅時候可以揀要幾成熟，揀左7成熟，出到嚟亦都冇Overcooked。蒜香蟹肉意粉：意粉質地煙靭，煮得啱啱好，而且蟹肉亦十分足料，但相比較起其他菜式就唔算太特別。開心果忌廉配新鮮士多啤梨疏乎厘班戟：有非常濃烈嘅開心果味，而且唔會太甜，啱晒鍾意食甜品但又怕太甜嘅朋友，而且疏乎厘空氣感十足，做得非常鬆軟。杏仁海鹽焦糖忌廉碎冰：海鹽焦糖味道層次分明，亦都唔算太甜，唔會好漏。大部份時間餐廳都唔算好多人，但如果想坐得耐啲舒服啲嘅話就建議避開辦公室放飯時間～
美國1855安格斯肉眼：擺盤十分吸引，用嚟影相打卡一流，份量ok，兩個人食啱啱好，肉質亦非常鮮嫩，落單嘅時候可以揀要幾成熟，揀左7成熟，出到嚟亦都冇Overcooked。
蒜香蟹肉意粉：意粉質地煙靭，煮得啱啱好，而且蟹肉亦十分足料，但相比較起其他菜式就唔算太特別。
開心果忌廉配新鮮士多啤梨疏乎厘班戟：有非常濃烈嘅開心果味，而且唔會太甜，啱晒鍾意食甜品但又怕太甜嘅朋友，而且疏乎厘空氣感十足，做得非常鬆軟。
杏仁海鹽焦糖忌廉碎冰：海鹽焦糖味道層次分明，亦都唔算太甜，唔會好漏。
大部份時間餐廳都唔算好多人，但如果想坐得耐啲舒服啲嘅話就建議避開辦公室放飯時間～
Post
