Video
Read full review
2024-02-19
8 views
Black Coffee係由HeySoNuts班底打造, 店舖係旺角廣華街開立, 走暗黑風格, 而家係裕民坊商場都開咗間, 呢度位置人流不多, 可以寫意地享受餐點; 店面唔太大, 裝潢係暗黑元素, 冇太多花巧東西, 簡單就是美! 餐廳主打輕食, 雖然話係輕食, 但意粉, 漢堡等主食都有, 而且份量好啱女仔同食量少嘅朋友仔呀!採用快餐店下單和取餐模式, 因此免收加一服務費, 加上價錢本來就比較親民; 星期一至五, 惠顧主食或甜品可以半價加配飲品, 所以整體嚟講叫抵食。今日要咗香煎口水雞扒窩夫漢堡配薯條, 龍蝦濃湯意粉配虎蝦, 自家製手打雞肉蝦餅, 髒髒提拉米蘇, 抹茶鮮奶及芙香蘋果花果茶。香煎口水雞扒窩夫漢堡配雜菜沙律/薯條 (雜菜沙律可加$20改配薯條) - $88 呢度出名有以窩夫製成的鹹食—窩夫漢堡, 話係輕食, 但份量真都大份, 真係又平又好食！中間夾著口水雞扒、番茄、生菜、醬汁; 好鐘意佢哋嘅口水雞汁, 辣中帶麻辣味, 好過癮, 雞扒嫩滑都入味, 而且煎得香脆; 個窩夫好驚喜, 好有蛋香味滿滿, 好耐冇食過咁好味嘅窩夫。薯條係粗身, 炸得香脆; 整體來說, 是滿特別的配搭!龍蝦
採用快餐店下單和取餐模式, 因此免收加一服務費, 加上價錢本來就比較親民; 星期一至五, 惠顧主食或甜品可以半價加配飲品, 所以整體嚟講叫抵食。今日要咗香煎口水雞扒窩夫漢堡配薯條, 龍蝦濃湯意粉配虎蝦, 自家製手打雞肉蝦餅, 髒髒提拉米蘇, 抹茶鮮奶及芙香蘋果花果茶。
香煎口水雞扒窩夫漢堡配雜菜沙律/薯條 (雜菜沙律可加$20改配薯條) - $88
呢度出名有以窩夫製成的鹹食—窩夫漢堡, 話係輕食, 但份量真都大份, 真係又平又好食！中間夾著口水雞扒、番茄、生菜、醬汁; 好鐘意佢哋嘅口水雞汁, 辣中帶麻辣味, 好過癮, 雞扒嫩滑都入味, 而且煎得香脆; 個窩夫好驚喜, 好有蛋香味滿滿, 好耐冇食過咁好味嘅窩夫。薯條係粗身, 炸得香脆; 整體來說, 是滿特別的配搭!
龍蝦濃湯意粉配虎蝦 - $98
呢個意粉都唔錯, 有4隻虎蝦, 係新鮮彈牙, 而且每一條意粉都會掛滿龍蝦汁, 食起來龍蝦味道滿香濃好食, 意粉軟硬度剛好! 沙律菜新鮮, 配上芝麻醬, 唔錯!
自家製手打雞肉蝦餅 - $78
呢個雞肉蝦餅由餐廳自家製作, 外面層灑滿椒鹽, 煎炸得香脆, 加埋入面彈牙嘅雞肉蝦肉, 應該得呢度先食到！好有誠意, 口感彈牙, 跟伴上的黑椒茄汁滿搭; 蝦餅炸得乾身, 唔會油膩, 超好食。
髒髒提拉米蘇 - $68
呢度甜點選擇好多, 都好吸引！最後選咗髒髒提拉米蘇; 因佢啲可可粉灑滿個碟, 會食到個咀髒髒, 所以叫髒髒提拉米蘇啦! 手指餅啲咖啡及酒味唔算太濃, 加入了朱古力威化、朱古力碎等, 加上Mascarpone cheese質感滑溜, 食落好有層次感。
抹茶鮮奶（熱）- $42
極喜愛佢既綠茶味超濃郁, 又有靚靚嘅拉花, 整體平衡得好好。
芙香蘋果花果茶 (熱) - $46
茶包沖嘅熱茶, 帶有蘋果香甜, 好開胃。
Post
