Video
Read full review
2021-10-09
129 views
近日餐廳打卡首選，莫過於呢間G room, 原因係裡面嘅360ᐤ圓弧型嘅牆身超高清屏幕，播放著動人美景，配合不同音樂效果，顯現不同場景，如同在不同地方進餐, 視覺兼味覺享受。用餐中屏幕轉了四個，最喜愛還是香港的維港景色❤️餐廳雖不大，圓弧形設計及sofa 坐位增大了空間感亦舒適。位置不多，必定預先預約。食物方面以西班牙fusion 菜為主，菜式選擇多，我哋點了：油甘魚伴 36 個月伊比利亞火腿及西班牙 鯷魚蕃茄配水晶麵包$158先來頭盤，是著名西班牙前菜。擺盆有心思，大廚將脆麵包切件上，非常方便易吃。西班牙水晶麵包最獨特係口感，經長時間低溫發酵及烘焗，外鬆脆內軟。配上幾層食材，分別油甘魚薄片有些獨有香味魚油，36個月黑毛豬火腿 咸香味濃，肉質嫩滑。鯷魚原來係地中海一種魚類，為菜式提鮮，獨特咸香，一細件吃剛好！一道必點嘅當地美味tapas! 酥炸紅蝦蟹鉗配青檸沙律醬$168紅蝦大隻 肉爽實彈牙，酥炸後還可以吃到蝦鮮味，攞哂分。而蟹鉗相對比較小型，肉質屬一般，做了配角。要提的是青檸沙律醬，清香醒胃 是生色的點綴。黑松露蘑菇湯$88用了blend 機打出奶泡面的效果，主角黑松露味十分出色，菌
用餐中屏幕轉了四個，最喜愛還是香港的維港景色❤️
餐廳雖不大，圓弧形設計及sofa 坐位增大了空間感亦舒適。位置不多，必定預先預約。
食物方面以西班牙fusion 菜為主，菜式選擇多，我哋點了：
油甘魚伴 36 個月伊比利亞火腿及西班牙 鯷魚蕃茄配水晶麵包$158
先來頭盤，是著名西班牙前菜。擺盆有心思，大廚將脆麵包切件上，非常方便易吃。西班牙水晶麵包最獨特係口感，經長時間低溫發酵及烘焗，外鬆脆內軟。配上幾層食材，分別油甘魚薄片有些獨有香味魚油，36個月黑毛豬火腿 咸香味濃，肉質嫩滑。鯷魚原來係地中海一種魚類，為菜式提鮮，獨特咸香，一細件吃剛好！一道必點嘅當地美味tapas!
酥炸紅蝦蟹鉗配青檸沙律醬$168
紅蝦大隻 肉爽實彈牙，酥炸後還可以吃到蝦鮮味，攞哂分。而蟹鉗相對比較小型，肉質屬一般，做了配角。
要提的是青檸沙律醬，清香醒胃 是生色的點綴。
黑松露蘑菇湯$88
用了blend 機打出奶泡面的效果，主角黑松露味十分出色，菌類獨特香濃味道再加蘑菇清香味，做成忌廉蘑菇湯的主打，所有材料加忌廉磨滑，成湯非常幼滑，好smoothly. 附送的脆多士香脆出色，成為亮點。
原隻龍蝦海鮮焗飯 $598
是日重點推介，西班牙的焗飯是必食，為咗呢個龍蝦飯而來，賣相吸引，有手掌大嘅龍蝦開邊，整個飯調味不複雜，吃到龍蝦及海鮮鮮味，海鮮仲有魷魚，青口，蝦，十分足料，蝦肉彈牙爽口。龍蝦肉入味，肉質是爽彈嫩滑，啖啖滋味。飯中加左西式香腸，更加帶出咸香味，有點像中式臘味飯咁。要讚的係飯粒粒分明，軟硬適中！
香蒜魷魚$98
用熱盆送上，魷魚用左蒜及香料煮香，咸味剛好，入味香口，魷魚好鮮甜，是新鮮彈牙的。一道比較簡單大眾化的西班牙小吃，配酒會一流！
菠蘿梳打 $68
加了鮮菠蘿肉的梳打飲料，味不會太甜，果肉新鮮多汁，夠哂refreshing.
Blushing beet $68
我點的是冷壓果汁，包括蘋果，紅菜頭，蘿蔔，生薑。紅菜頭味清新夠濃，無添加甜味，薑味可辟除紅菜頭獨特青草味，岩哂女士飲用。
整體上食物份量足，價錢性價比高，有情調之餘且食物質素高，吃到正宗西班牙加入獨特烹調的菜式，精緻令人回味。適合與情人，朋友聚餐。有驚喜新餐廳我會推介呢間。
Post
