갈비궁 Galbi Gung

Open Now

Now Closed

蔥蒜牛舌性價比極低，得好薄嘅3片，只係好普通嘅牛舌再加咗好多蒜蓉及洋蔥碎。食落口覺得好韌，還是烹調方法錯咗？😂水果醬油挑骨雞翼雞翼起骨，適合啖啖肉人士。醃料味道唔錯，味道清新🌿慶州黑毛豬五花肉配生菜薄薄嘅豬五花（如厚切更理想），帶少少豬皮，燒完之後豬皮煙靭有咬口。肥肉和豬皮融為一體好正！生菜盤有芝麻葉，比其他燒肉店係少見。甕漬牛肋骨 最近幾次食韓燒，叫醃牛肋骨都係偏甜，其實都知韓式牛肋骨係甜，但係唔知點解最近幾次都唔掂，浪費咗個牛肉韓牛泡菜炒飯味道好淡，韓牛肉粒好少，價值140幾蚊一個炒飯，性價比不高。配菜（泡菜，芽菜等等）如果要無限添加，要加$40，絕對唔抵☹️環境由於新開，環境新淨衛生，座位寬敞，坐得幾舒服。不過略嫌個抽氣做得唔係幾好，食完都係一身油煙味。P.S. 柏傲莊、名城住戶有八五折。