Video
Read full review
2024-05-13
63 views
餐廳主打Omakase同鐵板燒，今次👦🏻👧🏻book咗鐵板燒食～ 呢度可以望住師傅喺我地前面用熟練嘅技術去烹調出各款美食👨🏻🍳，成個過程好好睇👀，好似欣賞一場表演咁👏🏻～ 我地揀咗匠人料理鐵板套餐$438/位，包咗三款前菜、湯、七款食物同甜品，肉類方面係四選一，有美國牛板腱、美國安格斯薄燒、西班牙豬肉眼同美國安格斯厚燒。🦑螢光魷魚乾、鱈魚片兩款烤到脆卜卜，配上沙律醬食好滋味。🥗柚子沙律柚子清甜配上爽脆嘅生菜同清新嘅柚子汁，食完好清涼。🥚茶碗蒸蒸嘅時間控制得剛好，蒸蛋好滑嫩，滑到跣入口到～ 仲好有香菇味添～🐟銀鱈魚煎到兩邊好靚嘅金黃色，魚皮脆卜卜好好味！魚身算厚肉，口感嫩滑有肉汁！🦪廣島蠔 蠔肉飽滿脹卜卜，外層有焦香感，咬落去有蠔汁。底下嘅煙肉同櫻花蝦煎到乾身，非常香口！🦐原隻虎蝦輪到最期待嘅虎蝦啦！見到大大隻嘅虎蝦，即刻流晒口水。師傅熟練嘅手法好快將蝦肉同蝦殼分離，蝦肉雪白爽彈！蝦頭同蝦腳煎到脆卜卜，蝦頭仲有蝦膏，味道帶甘香。🐮美國安格斯薄燒師傅煎到熟度啱啱好，唔會過熟，仲有粉嫩色。牛肉薄片包住滿滿炒香過嘅炸蒜同蔥粒，食落非常香口！🎃時令鐵板配菜有雞髀菇、秋葵、南瓜片同番薯片，當中最
🦑螢光魷魚乾、鱈魚片
兩款烤到脆卜卜，配上沙律醬食好滋味。
🥗柚子沙律
柚子清甜配上爽脆嘅生菜同清新嘅柚子汁，食完好清涼。
🥚茶碗蒸
蒸嘅時間控制得剛好，蒸蛋好滑嫩，滑到跣入口到～ 仲好有香菇味添～
🐟銀鱈魚
煎到兩邊好靚嘅金黃色，魚皮脆卜卜好好味！魚身算厚肉，口感嫩滑有肉汁！
🦪廣島蠔
蠔肉飽滿脹卜卜，外層有焦香感，咬落去有蠔汁。底下嘅煙肉同櫻花蝦煎到乾身，非常香口！
🦐原隻虎蝦
輪到最期待嘅虎蝦啦！見到大大隻嘅虎蝦，即刻流晒口水。師傅熟練嘅手法好快將蝦肉同蝦殼分離，蝦肉雪白爽彈！蝦頭同蝦腳煎到脆卜卜，蝦頭仲有蝦膏，味道帶甘香。
🐮美國安格斯薄燒
師傅煎到熟度啱啱好，唔會過熟，仲有粉嫩色。牛肉薄片包住滿滿炒香過嘅炸蒜同蔥粒，食落非常香口！
🎃時令鐵板配菜
有雞髀菇、秋葵、南瓜片同番薯片，當中最鐘意食番薯片🍠，口感有少少脆口，帶有甜甜嘅蕃薯味。
🍚炒飯
用上日本蘭黃蛋、煙肉、葱、日本米等等炒成，用咗黑椒調味，充滿濃烈嘅黑椒香氣。炒飯呈金黃色，每粒都炒到乾身粒粒分明。
🥬炒雜菜
蘿蔔絲同椰菜爽脆清甜～
🥣昆布湯
味道濃郁鮮甜，昆布口感爽脆。
🍡抹茶蕨餅
蕨餅口感煙韌軟糯，抹茶粉味道香濃回甘，無苦澀味。
📍 菊月町 (觀塘)
觀塘鴻圖道23號利登中心地下1號舖
Post
