B哥車仔麵 (Closed)

觀塘駿業街的中海日升中心新開了一家B哥車仔麵， 地點鄰近好多公司，相信下午一定吸引一班打工仔的青睞。平時星期五晚來到，可能是因為新開的緣故人客不算太多，坐得都算舒服。店入面採用自助形式， 選好想食嘅食物之後，就可以去櫃檯落單比錢。選擇都是一般的車仔麵餸，今次就叫咗幾款車仔餸加油麵。今次試咗好多款餸，最主要推的有蘿蔔、豬紅、豬大腸、酸甜齋。蘿蔔入口沒有渣，而且甜甜的！實在好難做到。而朋友就點了一碗腐竹墨魚腐皮卷腩肉粉腸油麵，腐竹好清，望落去好似冇後面咁吸引。不過腩肉都滷得好入味，粉腸而且都冇異味。酸甜齋也是比較驚喜，新鮮即炸入口香脆，熱辣辣。加上酸甜醬汁十分開胃。另外要介紹的就是旁邊的辣醬，是自家製的。甜中有辣，而且辣到又不會過分搶鏡，甜甜地滿有香味。如果唔食得辣，可以走辣，但係比較可惜囉因爲太好食。價錢相宜，的確是午市的一個好選擇。而且可以fax落單，咁樣就可以慳返好多時間。啱晒附近嘅打工仔。