Video
Read full review
2019-09-11
1512 views
餐廳：B哥車仔麵 (觀塘)地址：觀塘駿業街56號中海日升中心地下L號舖住係觀塘又或者係觀塘返工，尤其係工業區果邊做野嘅話，一定唔會對中海日升中心COS Centre陌生，因為果到有好多餐廳同美食，絕對係觀塘工業區lunch time時段嘅必去熱點之一趁住係附近做facial，所以都唔錯過呢個機會係到覓食，係中海日升中心地下盡頭有一間新開嘅B哥車仔麵，對上一次黎都未開業，原來7月尾先開始營業，既然係新餐廳咁當然唔少得有我嘅出現啦，畢竟我真係好鍾意試唔同嘅新餐廳新野食傳統地道嘅車仔麵，配上自助形式嘅用餐過程，都真係幾破格，畢竟係好多外國餐廳又或者本身我就讀嘅中文大學入面，唔少餐廳都係推行自己拎完野食，食完就自己收返好食完嘅餐具同碗碟餐牌亦採用多元化模式，有易搵架，亦都有傳統紙餐牌同電子版嘅，緊有一款岩你睇。餐廳除左有3款推薦嘅套餐之外，仲有9款麵同29款餸菜可以揀，仲有得分開上湯、走腩汁、要唔要辣嘅選擇，夠哂貼心，小食亦有10款之多，炸墨魚餅、鯪魚餅、豬扒、雞翼等款款都咁吸引大食嘅我就叫左五個餸配粗麵，另外仲叫左炸雞翼同咖啡紅豆冰。湯底加左腩汁，相當香濃入味，係食車仔麵必需嘅湯底，我叫左墨
地址：觀塘駿業街56號中海日升中心地下L號舖
住係觀塘又或者係觀塘返工，尤其係工業區果邊做野嘅話，一定唔會對中海日升中心COS Centre陌生，因為果到有好多餐廳同美食，絕對係觀塘工業區lunch time時段嘅必去熱點之一
趁住係附近做facial，所以都唔錯過呢個機會係到覓食，係中海日升中心地下盡頭有一間新開嘅B哥車仔麵，對上一次黎都未開業，原來7月尾先開始營業，既然係新餐廳咁當然唔少得有我嘅出現啦，畢竟我真係好鍾意試唔同嘅新餐廳新野食
傳統地道嘅車仔麵，配上自助形式嘅用餐過程，都真係幾破格，畢竟係好多外國餐廳又或者本身我就讀嘅中文大學入面，唔少餐廳都係推行自己拎完野食，食完就自己收返好食完嘅餐具同碗碟
餐牌亦採用多元化模式，有易搵架，亦都有傳統紙餐牌同電子版嘅，緊有一款岩你睇。餐廳除左有3款推薦嘅套餐之外，仲有9款麵同29款餸菜可以揀，仲有得分開上湯、走腩汁、要唔要辣嘅選擇，夠哂貼心，小食亦有10款之多，炸墨魚餅、鯪魚餅、豬扒、雞翼等款款都咁吸引
大食嘅我就叫左五個餸配粗麵，另外仲叫左炸雞翼同咖啡紅豆冰。湯底加左腩汁，相當香濃入味，係食車仔麵必需嘅湯底，我叫左墨魚丸、滷水蛋、菜心、韭菜同比較少見嘅蠔油齋，
蠔油齋睇落有啲似腐皮包住豆卜咁，成舊蠔油齋吸盡湯底精華，一咬湯底就泌哂出黎，外層少少油幾特別
雞翼即叫即炸，絕對新鮮滾熱辣，雞翼多肉得黎外皮香脆亦帶有香茅嘅味道，絕對推介大家食呢到嘅雞翼。
咖啡紅豆冰亦都係比較少見嘅飲品，將紅豆加入到咖啡入面估唔到都有一個咁match嘅配搭相信呢間B哥車仔麵一定會成為觀塘區人嘅常去餐廳之一
Post
