Video
Read full review
2018-03-23
132 views
天氣開始轉熱，但又想去打邊爐， 麻辣火鍋又嫌太熱氣上火，朋友就介紹呢間《四季文昌》食海南椰子雞鍋。 海南位於亞熱帶同熱帶地區， 盛產椰子樹，椰子有助解渴去暑， 最啱就係炎炎夏日去品嚐。餐廳嘅裝修甚具書卷味，沿住樓梯行兩旁有好多嘅書櫃， 餐廳裝修夠曬新淨，仲有卡位坐， 邊食邊傾計就最方便。打邊爐最緊要個湯底， 就叫咗個【原味海南椰子文昌雞鍋半隻】$128。初時見到湯底以為冇乜特別，只有小小嘅奶白色。 誰知湯底用上咗椰皇同椰青， 味道清甜不特止，仲有好高嘅食療價值， 忍唔住呷一口， 簡直係甜在心頭， 非常之清潤。【秘製醬汁】 調味碟有新鮮沙薑粒，辣椒粒，海南野生青柑桔。 可以隨個人嘅口味，將沙薑粒同辣椒混入醬油， 再按自己喜歡嘅酸度加入柑桔汁。柑桔汁酸酸味味夠曬醒胃， 而我覺得鮮沙薑同鮮雞亦係絕配呢~【海南文昌雞】文昌雞出名肉質鮮嫩， 雞味濃郁。 將雞件倒入鍋裏面， 慢火煮七分鐘便大功告成， 餐廳還細心地準備咗沙漏俾我哋計時 ， 時間一到，大家都急不及待食到最嫩滑嘅雞件呢。由於椰子湯底夠晒清甜，用黎煮雞就最能帶出雞嘅鮮味，帶點椰香。 大家千祈唔好錯過椰青肉，質感嫩滑，又有營養。【極上和牛拼
餐廳嘅裝修甚具書卷味，沿住樓梯行兩旁有好多嘅書櫃， 餐廳裝修夠曬新淨，仲有卡位坐， 邊食邊傾計就最方便。
打邊爐最緊要個湯底， 就叫咗個【原味海南椰子文昌雞鍋半隻】$128。初時見到湯底以為冇乜特別，只有小小嘅奶白色。 誰知湯底用上咗椰皇同椰青， 味道清甜不特止，仲有好高嘅食療價值， 忍唔住呷一口， 簡直係甜在心頭， 非常之清潤。
【秘製醬汁】 調味碟有新鮮沙薑粒，辣椒粒，海南野生青柑桔。 可以隨個人嘅口味，將沙薑粒同辣椒混入醬油， 再按自己喜歡嘅酸度加入柑桔汁。柑桔汁酸酸味味夠曬醒胃， 而我覺得鮮沙薑同鮮雞亦係絕配呢~
【海南文昌雞】文昌雞出名肉質鮮嫩， 雞味濃郁。 將雞件倒入鍋裏面， 慢火煮七分鐘便大功告成， 餐廳還細心地準備咗沙漏俾我哋計時 ， 時間一到，大家都急不及待食到最嫩滑嘅雞件呢。由於椰子湯底夠晒清甜，用黎煮雞就最能帶出雞嘅鮮味，帶點椰香。 大家千祈唔好錯過椰青肉，質感嫩滑，又有營養。
【極上和牛拼盤】$398， 呢個拼盤有四款牛，分別係佐賀A5和牛牛肩， 澳洲M9和牛牛肩， 加拿大牛舌粒，同安格斯牛粒。 我最鍾意就係兩款和牛肩，肥瘦均稱，雪花均勻。 A5和牛牛味較重，而M9和牛肉質就夠嫩滑。牛舌粒亦相當不俗，夠juicy多汁。
【黑松露鮮蝦福袋】$88， 平時最鍾意食福袋， 因為鍾意佢可以吸收湯汁， 而呢個黑松露鮮蝦福袋， 絕對能將黑松露嘅香氣以及椰子水嘅甜味吸收。裏面嘅蝦肉同豬肉亦夠曬爽口彈牙。
PS, 不過有樣嘢要值得留意，就係呢個福袋需要用較多嘅時間去煮，裏面嘅餡料先至熟透架~
【紫菜響鈴】$48，平時響鈴食得多，但加埋紫菜嘅就第一次試，估唔到令人印象難忘。響鈴充滿豆香，裏面嘅紫菜亦能夠帶出香氣， 輕輕滾3秒，就可以食到外軟內脆嘅效果啦~
【七彩芝士流心丸】$108，色彩繽紛，令人食指大動。原來每粒丸都絕不採用人造色素，每種顏色都來自天然嘅食材， 就如彩虹七色一樣，綠色來自班蘭葉，班蘭嘅香氣滲入墨魚丸之中。 而黃色同紅色嘅丸子更加創新地加入咗士多啤梨同芒果， 食起嚟帶點果香非常特別，
估唔到打邊爐都可以食到咁正嘅煲仔飯，呢個【臘味芋頭煲仔飯】$78，夠曬火喉 。煲仔飯用料豐富，有臘腸、臘肉以及芋頭粒，飯粒飽滿又夠乾身，而且仲有金黃脆卜卜嘅飯焦添~ 我最鍾意就係煲仔飯上面加入大量嘅芫茜蔥碎， 撈埋黎食味道簡直更上一層樓。
【四季文昌椰青】$42， 呢個文昌椰青夠曬冰凍， 而且味道極度清甜， 夠曬清潤。 而且又夠多水， 慢慢飲嘅話一餐晚飯都夠飲呢～
夏天想打邊爐嘅話， 不妨試下呢個椰子雞鍋，解渴清新又健康。
Post
