Video
Read full review
2024-03-08
105 views
最近將軍澳近海濱長廊新開咗一間黎巴嫩餐廳，裝修主要以藍白色為主，再配上馬賽克燈飾，充滿中東風情。由細到大未食過黎巴嫩菜，對佢嘅認知係0%，親切嘅店員見到小小迷惘嘅我，拎咗部iPad俾我哋看圖點餐🫶🏻。餐廳整體環境好舒服，食物水準都唔錯，一邊望住個海景一邊食飯，啱晒聚會同拍拖🥰。📍將軍澳唐賢街29號藍塘傲格林威治村地下10號舖/6 Pieces Osyters/$178🦪生蠔用咗法國生蠔，食落好新鮮，口感爽口有海水味。配上三種特色醬汁，其中一款以黎巴嫩橄欖油配上石榴粒蕃茄等，食落好清新，鐘意食生蠔嘅一定要試下。/Lebanese Style Chicken Roll/$198店員推介試吓呢一個雞肉卷，會比較適合香港人口味。用咗雞腿肉包住埃及米一齊烤製，配以蕃茄肉汁，食落有小小似糯米卷，軟糯但粒粒分明。/Lamb Kebab/$198Order前Google咗一下黎巴嫩菜，黎巴嫩菜大多以燒烤（Kebab）方式料理肉類，咁燒烤羊肉串就一定要試試佢啦。羊肉串即叫即燒，羊肉細嫩，仲配上爽口青椒，一啖肉一啖菜，好滿足。/Lesanese French Toast/$118黎巴嫩法式多士嘅口感同我哋
最近將軍澳近海濱長廊新開咗一間黎巴嫩餐廳，裝修主要以藍白色為主，再配上馬賽克燈飾，充滿中東風情。
由細到大未食過黎巴嫩菜，對佢嘅認知係0%，親切嘅店員見到小小迷惘嘅我，拎咗部iPad俾我哋看圖點餐🫶🏻。
餐廳整體環境好舒服，食物水準都唔錯，一邊望住個海景一邊食飯，啱晒聚會同拍拖🥰。
📍將軍澳唐賢街29號藍塘傲格林威治村地下10號舖
/6 Pieces Osyters/$178
🦪生蠔用咗法國生蠔，食落好新鮮，口感爽口有海水味。配上三種特色醬汁，其中一款以黎巴嫩橄欖油配上石榴粒蕃茄等，食落好清新，鐘意食生蠔嘅一定要試下。
/Lebanese Style Chicken Roll/$198
店員推介試吓呢一個雞肉卷，會比較適合香港人口味。
用咗雞腿肉包住埃及米一齊烤製，配以蕃茄肉汁，食落有小小似糯米卷，軟糯但粒粒分明。
/Lamb Kebab/$198
Order前Google咗一下黎巴嫩菜，黎巴嫩菜大多以燒烤（Kebab）方式料理肉類，咁燒烤羊肉串就一定要試試佢啦。羊肉串即叫即燒，羊肉細嫩，仲配上爽口青椒，一啖肉一啖菜，好滿足。
/Lesanese French Toast/$118
黎巴嫩法式多士嘅口感同我哋平時食開嘅唔同，有啲似煎多士，口感脆身，配上無花果醬同開心果醬，好特別，值得一試。😍
#將軍澳 #黎巴嫩菜
Post
