Video
Read full review
2024-04-16
1233 views
曾經同女朋友哩個黎度一齊食野，當時係坐最入面嘅二人枱，我地仲講，下次再黎一齊試下坐門口窗口位，睇住個街境，一定好有feel。結果，宜家我只可以一個人嚟。講返食物，心情唔好嘅時候，就想叫啲好啲既野食，嚴選A5黑毛和牛，配合柚子胡椒湯底，感覺應該可以為我屈悶既心情舒緩一下。 🍖個餐用嘅器皿好靚，非常優雅，而且有大碟有細碟，排列整齊，又做到大小有序，我尤其鍾意佢嗰鍋，銅做既鍋，傳熱快，而且上面既凹凸紋同時增加左佢既可觀性。令我諗起上次同女朋友去京都旅行果時嘅個一餐。宜家我只可以一個人食。 🍖胡椒湯係屬於小小辛辣，輕微刺激味蕾，但係唔會過火，呢點好重要，因為如果胡椒味太濃，唔單止會破壞好質素牛肉既味道，甚至會破壞成個餐嘅優雅感覺。但係就係呢種望落清澈，小小刺激，就令人好想繼續不停咁親近佢。有的似男女之間拍拖，互相取笑，互相戲弄嘅果種溫柔同和諧。如果可以同女朋友一齊重溫感受，唔知又會係點？ 🍖和牛係主角，叫得嚴選，肉質好嫩，油花分佈有置，放入湯淥幾秒，肉香係口中四散，夾雜柚子胡椒，更加清新脱俗，毫無油膩感。同時間白飯同生日本蛋更加將呢種感覺放大。其實和牛豆腐同豐盛既蔬菜盤一樣以唔同既姿態表現出相
🍖個餐用嘅器皿好靚，非常優雅，而且有大碟有細碟，排列整齊，又做到大小有序，我尤其鍾意佢嗰鍋，銅做既鍋，傳熱快，而且上面既凹凸紋同時增加左佢既可觀性。令我諗起上次同女朋友去京都旅行果時嘅個一餐。宜家我只可以一個人食。
🍖胡椒湯係屬於小小辛辣，輕微刺激味蕾，但係唔會過火，呢點好重要，因為如果胡椒味太濃，唔單止會破壞好質素牛肉既味道，甚至會破壞成個餐嘅優雅感覺。但係就係呢種望落清澈，小小刺激，就令人好想繼續不停咁親近佢。有的似男女之間拍拖，互相取笑，互相戲弄嘅果種溫柔同和諧。如果可以同女朋友一齊重溫感受，唔知又會係點？
🍖和牛係主角，叫得嚴選，肉質好嫩，油花分佈有置，放入湯淥幾秒，肉香係口中四散，夾雜柚子胡椒，更加清新脱俗，毫無油膩感。同時間白飯同生日本蛋更加將呢種感覺放大。其實和牛豆腐同豐盛既蔬菜盤一樣以唔同既姿態表現出相同感覺，全部都係夏日清純既親吻吖。
✨️坐係呢塊玻璃前面，一邊品味牛肉，一邊思索之前嘅事情。突然發覺一個人食牛肉其實都係一種樂趣。
不過都係時候要去接OT黎唔倒嘅女朋友啦。
Post
