一虎

Open Now

Now Closed

放假去咗灣仔「一虎」食lunch，一直都對碗檸檬拉麵好好奇，究竟個味係點？係咪同鹽味柚子差唔多呢？又驚伏😅⋯⋯最後有兩位網友推介，我就信心大增，於是就嚟試吓🍋🍜。我原本計劃11:30到（因為佢11:30開）最後我敵不過睡眠😂，下午1:00才到達，門口排咗7個人，排咗15分鐘左右我就入咗去（其實我前面仲有人，咁啱我一個人，而且又有第一位，所以⋯⋯）我叫咗一碗檸檬拉麵、走蔥、走京蔥😅加有味筍、糖心蛋🥚同埋一罐檸檬味可樂。檸檬拉麵 - 碗拉麵一嚟到，即刻飲第一啖湯，😳豬骨湯！（因為我無睇介紹😅，原來佢係用秘製檸檬醬和自家製豬骨湯）豬骨湯濃稠，唔會太咸，隱隱約約有少少檸檬皮既苦澀味，開頭覺得檸檬味唔太夠，以為表面嘅新鮮檸檬係裝飾😂，原來要［篤檸檬］嚟調教自己喜愛既酸度，即刻成件事唔同晒，多番陣酸味就似🍋🍜，檸檬既酸味令到個湯變得無咁（漏），有啲開胃，呢個組合都值得試吓。另外我本人極力推薦加隻🥚「糖心蛋」❗️糖心蛋最重要除咗係要用咩蛋？蛋味濃唔濃？流唔流心？蛋白會唔會硬？之外⋯⋯對我來講非常在乎個醬油味要剛剛好，呢間做到啱我嘅口味，入口時先有醬油味再有啲甜味，然後到蛋味沖出嚟，perfect 😋。