五斗米 (厚和街)

Open Now

Now Closed

五斗米🍚係一間開業多年，仍然屹立不倒嘅台灣菜。店舖由台灣人主理，上網評價意見兩極💬。而我曾經外賣過一次都印象麻麻🫣，而今次咁啱經過，就去堂食試下有冇改善🤔🍑炸物拼盤🐔裡面有炸百頁豆腐，炸甜不辣，鹽酥雞，仲有椒鹽花枝丸。拼盤每樣食物大約都有三粒👍，份量都算充足 ，椒鹽味配炸得熱辣辣炸物係幾好食。但係店舖油益味非常嚴重🫣，抽氣系統唔係咁好，食完之後成身都有浸炸物味道。😶‍🌫️🍑玉米起司蛋餅🌽蛋餅皮食落去脆脆地，同蔥油餅味好相似，中間玉米🌽同芝士🧀份量比得好多，每一啖都可以食到配料，而芝士仲有少少半溶，幾好味🍑滷百頁豆腐食落去有淡淡滷水味，上面配咗醬油糕，但放得太多🫣所以味道就過咸，吾配醬單食百頁豆腐係幾好食👍。🍑滷雞腿肉燥飯🐔滷雞腿肉滷水味偏淡🫢，雞肉容易脱骨，但有啲柴🐔。而肉燥🐽同配菜滷水津白🥬都係淡而無味。另外，配菜滷水汁冇隔走， 所以食到下面飯就有好多滷水汁浸住😮‍💨🍑原汁牛肉麵(轉刀削麵)🐮湯底味道偏咸🍲，裡面有酸菜，同生菜做配搭🥬，而牛肉一般般，加錢轉咗做刀削麵，幾好食口感好彈牙，幾有驚喜😳