錦麗 (信德中心)

Open Now

Now Closed

原來信德中心三樓都有野食，不過應該新裝修，餐廳都係得一兩間選擇～見到廣告牌話呢間係米芝蓮餐廳，望落幾吸引，所以試下～生牛肉湯河呢個係招牌菜，要點～湯底係牛肉湯，再加埋好多洋蔥、蔥，鮮甜但唔會有味精湯嘅感覺，生牛肉浸到啱啱熟，仲有三四塊，份量都唔少～越式蟹肉餅蕃茄湯檬粉好多評論話呢個好食，又嗌咗。蟹肉餅份量都多，有三舊大小係不規則嘅蟹肉餅，好易夾散，睇得出蟹肉好足。個檬粉似瀨粉同米線mix埋嘅口感，不過最重要嘅湯底就好普通，冇乜蕃茄味～椰汁紅豆冰超級重椰汁味，同成罐椰汁倒落去冇分別，好滯好膩，飲完成個胃都頂住，好辛苦，不過啲紅豆係大粒好食嘅，但胃唔好嘅朋友慎重選擇。