煲仔榮記 (Closed)

一向都聽聞慈雲山既名物-煲仔沙嗲公仔麵，時常都想去一試，但太遠，始終未能品嚐此名物。剛巧經過旺角，原來開左間分店係度，三點左右，唔使點等位，等一兩張枱就可以入去，心諗，新店新裝修，好過去慈雲山啦！室內有bar枱又有4人摺枱，用透明膠板分開兩個兩個咁坐，枱就有啲細，感覺有啲迫，不過啲食物都一樣細細碟細細煲，所有價錢相對有些貴。煲仔沙嗲公仔麵配豬肉餅唔係額外加錢，如果配牛小排要加50蚊。一出場，果然如傳聞一樣，滾住上，睇都知個湯超濃，忍唔住，飲啖湯先，嘩！極邪惡又濃郁，呢個沙嗲係有花生粒果款，同長洲通記好相似，湯咁濃，麵掛汁就一定架啦！佢地整既麵唔係煮到琳哂，要自己用筷子揚開啲麵，食落剛剛好，軟硬適中。個豬肉餅就無特別，有啲乾身同埋無乜味。一碟兩串既燒白鱔，配麻辣醬，咬落竟然爆汁，啲鱔油爆飛出來，不過幾貴，呢碟野既價錢等如一個煲仔沙嗲公仔麵了。試埋個煲仔飯先，窩蛋牛肉煲仔飯，牛肉勁多，煲底係堅有飯焦的，我唔客氣，用鐵匙羹不停剷啲飯焦出嚟食，加埋勁多豉油，好好味，性價比高過煲仔沙嗲公仔麵，如果要講挑剔嘢，個蛋黃上菜時已經穿左囉。地方細細，服務好，上菜都快，味道係好，但食完好口乾同埋好眼瞓，食