1樓冰室 (Closed)

喺太子番工，選擇好似好多，其實又唔係真係好多，午餐得果一粒鐘，唔會行太遠。今日試左間新餐廳，之前鋪位嘅蒂蒂香執左。呢間冰室新開，不過睇睇下張單同餐具先知，原來都係屬於燉奶佬集團。食物選擇都多，有扒類、米線、喇沙、炒粉麵飯、西多等，下午茶時段兩點開始，我就點左個雞脾。1流生炸雞脾拼沙律 $33（下午茶配凍飲半價，凍檸茶$7）雞脾生炸，新鮮熱辣，雖然雞脾嘅size唔係特別大，但都唔算細隻。一切開都見到有啲雞油(汁)滴出黎，裡面啲肉都幾嫩滑，食落都唔乾。而個雞皮口感有少少酥脆，有啲似鹽酥雞果種，而且都加有少少淮鹽，所以味道都好足夠沙律用上雜果，但就唔係罐頭野，仲有啲木耳、青瓜粒、蒟蒻，感覺都健康。作為下午茶，33蚊都ok，不過唔跟飲品，加埋半價凍檸茶要40蚊，唔算平，但可以接受。另外有啲飯餐會抵食啲架，30蚊唔洗，雖然冇飲品，但都幾平嘅。同行朋友點左焗飯、咖喱飯，佢地話味道都唔錯，我地就有下次。