1樓冰室 (Closed)

原本約好一早十點收貨，誰知送貨佬「甩厎」説來不到。好啦，突然好得閒，於是随便去了一間茶餐廳吃個早餐。雖然説是1 樓冰室，但其實此店位於地舖。餐牌中選擇不算少，但又不是每款都合口味。穩穩當當點了最大路的雪菜肉絲餐肉米，配熱咖啡。食物質素一般，湯底偏肥，米粉量少，肉絲無味，餐肉細塊又薄； 熱咖啡也是不太香濃。當然在這種普通茶餐廳不能要求太高，所以算是不過不失啦，卅多元，價錢都算合理的。不過就沒有什麼吸引力再來幫襯了。

星期日下晏，見係年近歲晚，就會出旺角備下年貨，大舉掃貨之前，一定要食個下午茶餐上上電！炸雞髀配西多士：邪惡之合，好少茶餐廳會將呢兩樣極度邪惡嘅食材放喺下午茶餐， $36可以話係一個超值嘅選擇。可惜，碟雞髀嚟到，竟然令我聯想起小兒麻痹雞，真係又驚又喜。芝士炸蝦多士：毫不吝嗇的熱熔芝士好像棉胎一樣，將兩條炸蝦🍤包圍着，而中間還有沙律醬墊底，彷彿一張電暖墊把炸蝦托住，一咬入口，是那滿足的拉絲感覺！芝蛋咸牛蛋治：對比炸蝦多士略嫌有點遜色，原因好簡單，就係牛肉同芝士嘅份量都唔夠，但總括嚟講嘅味道，中規中矩。值得一讚嘅係，熱檸蜜竟然唔使加錢！

年初二諗住同男友食個快餐先去拜年，食物食到一半真令我忍唔住寫負評，所以相片可能無影晒。率先叫左個自選扒餐 $551個扒+ 兩款配料再選汁 （飯或意粉）本來叫瑞士雞髀，但表示只有鹵水完再炸的。所以就如圖顯示甘黑嘅髀。炸蝦炸得勁硬，幸好還有意粉吃得落口。酸辣湯+雞扒撈米線 $47 配熱飲 酸辣湯稀到出奇但酸到好像飲支醋落口，還以為店家是招牌才會出現上餐牌的奇怪配搭。（因為並不是主打上海菜）豬扒撈米線抱歉地並無影相，一塊3件～但米線睇相都知有幾稔，唔知我仲以為自己食緊狗仔粉，仲要無味嘅～ 只有一層蔥油。熱華田偏淡味，尚算入到口。總括而言，這間餐廳服務無問題，是食物質素出了很大問題。

掛住行街，無唸食乜，朋友一到，求其係openrice揾間店食。幾間店中選左呢間，因為佢湯粉飯麵都有。入到去睇左menu，選擇真多，連邊爐都有。我見呢個餐有咁多嘢，即管試下。先有2碟前菜，係泡菜同雲耳仔，都入味，好食。再有一大碗魯肉飯加蛋同豆腐。再有叉燒炒蛋，仲有少許沙律菜。佢個魯肉飯原來係紅米飯。個飯唔錯呀，個魯肉好夠味 個叉燒唔夠“林”，但都入味 個蛋未到滑蛋，但可以嘅。最正係....仲要加$8有碗糖水。個糖水都有5個選擇，我選左有桃膠嘅腐竹薏米糖水囉。$55餐咁多嘢，禹素都值7分半，再加$8糖水，飽到不得了，值得再去。

看完電影，找地方吃下午茶。這家冰室，以前常來，因為價廉物美。很久沒來，這次重臨，發覺餐牌不同了，下午茶的價錢好像比以前提高了。點了泰式蝦餅魚餅米粉和越式豬扒米粉，飲品點了熱檸檬水和冰奶茶。兩碗米粉，魚餅的質感和味道尚可，蝦餅則口感欠佳，我想當中蝦的成份極少，越式豬扒肉質軟味道好，米粉和湯頭一般。飲品方面，奶茶的茶底不錯，好喝。這店面積不大，座位尚算舒服，服務不錯，點餐要碗要什麼的，有效率，態度佳。

這天與一位中學同學來到太子這家冰室吃晚飯。本來想選米線店，不過朋友比較想吃飯，所以選擇這家。不過也覺得挺好的呢。我們大概7點半到達那裏，裏面已經有8成滿，剛好有一座離開我們就坐下了。我選了一份雞扒米線，而朋友選了雞扒飯。我覺得雞扒挺好吃的，肉質嫩，外皮也有炸過。米線方面正常發揮吧。反而木耳是令我覺得有驚喜，很爽口很好吃。而朋友的雞扒比我的更脆，因為沒有湯吧。餐廳的環境還算整潔，所以總的來說這家不錯。

啲星星一粒都唔值得比🙄下次唔會再幫襯，請都唔會食！員工既態度差，啲野食又無味🤬😡嗌一個a1花膠雞湯飯，樓面啊姐就落咗兩個之後再嗌個a16既羅宋湯魚餅炸蝦通粉，然後無落單，話我無嗌隔黎台有一個媽媽同兩個小朋友，然後個媽媽嗌咗個飯，話唔要太陽蛋，之後個飯黎咗，隻蛋係太陽蛋，個媽媽就話我要熟蛋喎，個樓面就好大力閂埋收銀個櫃，黑曬面咁去換隻蛋。之後個a1花膠雞湯飯，無花膠，啲雞又小然後個a16羅宋湯魚餅炸蝦通粉，個湯又無味

星期六朝早梗係要嘆番個靚早餐啦。太子咁多間茶記是但入一間，見到呢間門面企企理理，就入去試吓。而家先醒起唔記得咗影餐牌。我哋叫咗一個雞扒滑蛋公仔麵同埋豬扒滑蛋米粉。冇記錯嘅話係一份30幾蚊配埋嘢飲。個雞扒煎得幾香，滑蛋都炒得幾好，佢都算幾貼心送咗兩條菜，二個豬扒亦都唔會好硬身，肥瘦均勻，個香茅味都幾入味。呢度環境唔算好好坐，但勝在出菜都好快下，啱晒我哋呢啲平平哋快快手醫飽個肚嘅。btw店員嘅服務態度就真係麻麻哋啦，不過算啦快快手食完走人。

_【檸水】叫咗杯凍檸水，熱水加冰，杯野到枱唔夠1分鐘可以溶到一粒冰都冇，糖水又唔落，杯野好似水龍頭水溝檸檬，真係唔飲好過飲🤮🤮🤮-【炒蛋】煮唔熟就當滑蛋😒，擺落個口度成浸生蛋汁味，好惡頂-【西冷牛】得一把15 cm直尺都冇嘅大細 💀-【西面姐姐/劣質廚師】其一：一入到去打單就收多我$3雞，我明明就係叫咗個餐「跟」炒蛋加腸仔加麥片，佢連炒蛋都加錢其二：厨房話冇麥片問我轉唔轉 我就話咁唔要啦(我已經食到一半個餐） 姐姐轉頭入廚房話我係寧願等 我個位好近廚房 喺隔離聽住佢哋啲對話聽到一肚火 食完嗰餐姐姐問廚房個麥皮得未（我冇特登去追問但已經等左20分鐘）最後廚房好唔好嘅語氣話佢要嘅未俾佢🤬🤬🤬結果個麥皮淨係溝熱水 完全冇味又已經冇野撈 食咗兩啖就無食啦其三：找錢嘅時候姐姐眼神極其唔有善 仲要特登找少啲錢睇我反應 我都忍住冇講冇問就咁走咗就算 但諗返起真係成肚火---2019-05-24 7:30 我坐11枱人生第一則劣評 我平時份人都已經好和平主義 全程都冇點出過聲 但比$53 食個早餐食到成肚火 仲要成肚火咁過全日真系🤬出聲-如果你睇完我真係建議你幫襯其他間 我喺嗰頭附近住 真係覺得間間

入去嗰陣都啱啱好有幾個空位，門面真係好細，大約八點幾去嗰個時段比較少人，所以就唔使等位，我哋係點餐嗰陣就叫埋甜品，建議叫完餐先再落甜品會好啲，睇你想食邊樣先，因為佢係上甜品先，跟餐再加甜品都幾抵下，都只係加$6，單叫要$20。圖4係我點的，豬排幾軟都幾好，圖3係我frd叫，佢食唔曬，所以份量都唔少，我哋都覺得右邊嗰碗糖水好食過木瓜雪耳嗰碗，但係唔記得碗糖水叫咩名😌兩碗都係凍的，菜單另外有兩碗熱嘅糖水，我認為都可以試下。

同朋友喺旺角睇完戲出到嚟先好肚餓就拿拿聲搵間餐廳食呢間餐廳幾抵食就入去試下好唔到有驚喜朋友叫咗原條花膠香蔥肉燥魚餅撈米線，而我就叫咗香煎雞扒吉列炸蝦。原條花膠香蔥肉燥魚餅撈米線：先唔講佢啲花膠係咪真花炒，但咬落好爽口， 而且都幾大塊個月餅就中規中矩啦冇乜特別要求呢就唔算多得好多都係米線下面。 整體嚟講，佢嘅份量都算幾多，一個人食夠曬飽，而且價錢都幾抵。香煎雞扒吉列炸蝦：香煎雞扒雞扒唔算好大件但係都 肉質幾嫩滑。炸蝦就多左少少炸粉， 食落有一圈炸粉包住。 白飯放到小小禮物但真係少少咁多。佢成個鐵板餐有雞扒有炸蝦有飯有薯條份量真係好足夠男人食都絕對夠飽。要提一提嘅係佢呢度如果你唔要湯同埋唔要飲品，可以加少少錢轉食甜品。

平時成日去開咖啡店度食all day breakfast 🍳 好小可係茶餐廳度食喎由於新年去開花墟度買花，朝早行過哩間茶餐廳，見到門口嗰餐牌幅早餐相又幾靚仔啵一於入去嘆番嗰港式早晨全餐先🤩🤩🤩嗌左嗰黑椒汁煎雞扒餐，揀左炒蛋同埋太陽蛋岩哂我哩嗰蛋控呀🤝🍳🍳🍳🍳哩嗰早餐都幾健康喎，起碼都有沙律菜 🥗嗰雞扒好厚身，肉質都算juicy🤩🤩🤩至於嗰炒蛋就一般般，老身左小小，係普通既炒蛋。。。。。最後俾我發現左杯熱檸水嗰杯有奶茶嘅茶漬

今次第二次幫襯呢間湯飯店，落單等左15分鐘，飲品未到，就問問姐姐飲品有未，佢望一望張單不發一言咁行左去，繼而佢同酒吧講2號檯紅豆冰行先，真想知佢算咩態度，我繼續等，對面檯遲過我到餐廳同點餐，但餐同飲品都到哂，反而我湯飯同2杯凍檸茶未到，經過今次幫襯，唔會再有下次，尤其是廳面個姐姐太冇禮貌了。

是日放LUNCH又去左試新野~近來發現太子呢頭原來開下開下有好多冰室。乜乜冰室物物冰室, 勁多間~而同事早2日就試左呢間 - 1樓冰室, 見佢個花膠好似唔錯~今日就去試下佢~佢有個SET MENU的~今日係SET C~第1次來食~ 唔知佢幾耐先轉一次呢?我為花膠而來, 當然叫D餐佢仲可以加$配D菜呀小食咁, 半價! 姐係加$10就有~其實都幾抵!但因為我得一丁友食飯, 所以冇加了~ 怕食唔晒另外我見佢有糖水嫁!好吸引! 餐飲轉食糖水加$5!但因為我都想飲野, 所以冇轉到,之後有機會試下先!原條花膠香蔥肉燥豬軟骨撈米線 ($47)嘩!一上枱, 陣香味就湧埋來!個香蔥肉燥個味好香呀!同埋佢好大碗!個肉燥好惹味!撈米線食真心正!花膠係原條花膠來, 都幾大條~但屬薄身, 唔係厚身花膠~但只係$47, 絕對物有所值!花膠都整到好入味!佢唔係好林好林個隻, 仲有少少爽爽地, 口感唔錯~豬軟骨, 有3大舊! 好大舊下嫁都!D軟骨都好夠林!旁邊都好多肉~唔錯~佢餐廳入面仲有幅畫,上面D人都喺度食緊茶記~有菠羅油呀, 飲奶茶呀~好得意~總結: $47蚊來講真係好唔錯, 個肉燥真係好香好惹味!有下次!下次

正所謂一分錢一分貨，很普通的豬扒飯，雖然是焗豬扒飯，但飯是暖，不是熱，而且豬扒林pat pat，無肉味，佢應該落咗好多肉鬆粉，大家樂應該好味過佢，除了地點方便外，很難會回頭