十三少 (Closed)

落住雨的日子，行過見有新餐廳開左，睇睇餐牌幾啱食又唔使等位，就入去試試。店員好快送上冰水，入面仲有檸檬添，天氣咁熱飲一杯真係好舒服。仲有碗餐前小食炸黃豆，酥脆香口，夾下夾下又幾過引喎。點左涼拌土豆絲作涼菜，都幾大碟喎。土豆絲很爽口，少少辣油很惹味。仲有麻辣鹵豬手，朋友鍾意食豬手呀。豬手口感偏淋，滷得很入味，唔算好麻辣，個人覺得可以辣啲。最後就係期待的十三少酸菜魚，餐廳名物梗係要試下啦。魚片份量都幾多，很滑，完全無骨。酸菜湯底酸度剛好，要了辣口味但其實唔辣的，bb辣的程度非常易入口，湯底好好味攞左去撈飯食，湯飯超正。點左白飯因為唔想晒左個酸菜魚湯，唔想要飯可以加寬粉㗎。之後又加左份甜品紅糖糍粑，點都要食下甜先滿足。煙煙韌韌幾好咬，淋埋個黑糖正呀。餐廳好濶落好好坐，冷氣十足，傾下偈嘅好地方。