滿漢小館 (Closed)

見佢新開就食晏試下喇，係食上海嘢，但唔想太油，就叫左個紅燒大排飯，加個香濃玉米露（要加6蚊）先到個熱玉米露，仲以為同粟米湯有關係，點知一入口，咁奇怪嘅？明顯地係開粉架啦，係完完全全無玉米味。唔明點可以俾人飲。紅燒大排就還算可以，分量都夠，但豬排就係未炸嘅豬扒拎嚟炒，幾多粉漿，反而配角京葱好味，好好送飯。而個白飯都係有啲怪，同平時食嘅唔同喇，有啲𤓓味不過唔識形容。全部合計要68蚊，有點貴囉。石門食晏有更多更好嘅選擇囉。