晴空日本料理

Open Now

Now Closed

見到餐廳全日餐$498做緊買一送一，今日試吓。沙律菜很清新，用少少沙律汁，口感清爽；茶碗蒸熱辣辣，口感軟滑。刺身有真鯛、螢光魷魚、鯛魚、烤白身魚同松露蝦。刺身每一款都很新鮮。螢光魷魚BB味道幾特別，鮮美爆汁；特別值得讚吓個醬油蝦，有陣陣松露香，口感爽滑，好吃！其他的就夠新鮮，沒有特別嘅印象。壽司五件，對板對位。中吞拿魚肥美，口感嫩滑，有魚油香，而且切得幾厚，口感唔錯；帆立貝大大件，味道鮮甜，同樣係厚切。火炙左口魚裙邊肥美而火灸白生魚口感爽彈；海膽唔係最甜嗰種，但係算鮮味帶甜味。燒明太子雞翼幾好食，啖啖肉雞翼裏面夾住明太子，少少辣，少少鹹香；燒帆立貝係香口嘅，但係有少少着感而燒Tim味道香。最後仲有麵豉湯同日式蕨餅。麵豉湯味道唔會好鹹，熱辣辣的，吃過壽司，喝一口熱湯，感覺唔錯，而且日式蕨餅味道輕甜，充滿和風味道。