二師兄 (Closed)

食飯時間同fd係街度覓食，比呢度招牌隻豬吸引左目光，見入面裝修幾靚就入左黎。入到黎啲位未坐滿，兩個人霸左人地張四人枱🤣坐好要叫野食嗰陣先醒起openrice下，見到食評有啲中伏feel🤨但唔坐都坐低左，就硬著頭皮食一次啦。但成餐飯又其實唔錯窩🤔前菜一個叫蝦啫喱（？），有隻生蝦同透明啫喱，賣相無咩特別，但食落好過癮，好食😋朋友係三文魚沙律，正常，我覺得蝦啫喱特別好多。但酥皮湯幾驚喜，酥皮好脆，湯份量唔算多，但加買酥皮落去就幾好，食完個肚都仲有位可以繼續食主食🤣叫左兩個main，一個羊一個牛，侍應問我份牛要幾熟，我話唔要流好多血水咁。都真係有聽我講，算佢pass。個牛有一塊邊邊韌左啲比我切走左，其他我覺得都OK。朋友份羊我唔知咩味（唔夠膽食羊😂），淨係知唔騷。甜品一個燉蛋一個多士（？唔記得叫咩名😂），我唔算好好甜，個多士對我黎講甜左啲，但朋友覺得OK。飲品係驚喜既，因為真係無咩出去西餐廳見到$2x既野飲。有拉花，飲落味道都幾好，但如果再熱啲就更好。以為係伏，試左又覺得係幾好既餐廳，下次經過可能會再黎😄