梅花邨小館

Open Now

Now Closed

以前係北角返工，中午時常會與同事去梅花邨食午餐。依家轉左工，想唔到新分店亦剛好係長沙灣開張。今次一早訂定位與同事們晚飯。新店相比起老店當然又大又多位置，佈置依舊為中國風。菜式方面，與老店大致相同。我們一行八人，點了一個四人套餐，再另點幾碟小菜。分量適中不會太少，味道亦與老店相似。特別推薦沙爹炒河，瑤柱金菇豆腐，梅花骨和反沙芋。特別是反沙芋，潮州甜品，因為係功夫菜唔係每間潮州菜館都會有，老店經常都限量發售，而且即叫即整，連我平時不吃芋頭的人都食了兩件。