探客 (Closed)

旺角區係台式飲品方面真係多選擇到不得了，每行一條街總有一兩間係附近。朋友已經推介左呢一間探客比我好耐，佢每星期都飲一杯，見佢成日提起，今日終於買返一杯試下，勁多選擇有奶類、芝士類、茶、水果等不同款式，掙扎左一陣，決定叫芝士牛油果。係好大杯，芝士奶蓋佔左三分一，牛油果有好清新既香味，再加埋奶蓋拎杯飲品好creamy，唔太甜，奶味好濃，好啱我口味喎！第一次試，終於明白點解朋友成日推介呢間探客！今日like左Facebook 同IG 仲有9折，$29杯，唔算貴！