喜悅皇宮

Open Now

Now Closed

收到家人來電，她屋企附近的長康酒樓結束後，有間喜悅開張了，叫齊我們，一行八人入去試新嘢。六點幾到達至離開，大堂既全場入座率大約八成左右。我們坐低，用熱水略洗碗時，發覺碗外邊好油。我們叫了龍蝦伊麵(雖不能叫很出色，但也算好食的。)乳豬半隻(脆皮，但肉很少)，油雞(普通而已，做唔到很滑的效果)，班球兩味(蒸的較滑溜，炒的較普通)，久違的砵仔焗魚腸(上層的油炸鬼，已淋曬，魚腸旦較乾，也少了兒時吃到焗魚腸的味道，但還好的是魚腸冇苦味)，西芹脆肉瓜炒牛柳粒(普通小菜，牛柳粒還可以)，薑蔥桶蠔(好大隻，也很好味)。飯後甜品，等了40分鐘，期間三催四請，等到谷鬼氣，擺明係整定的，凍既楊枝金露只欠人從雪櫃攞出嚟，熱既腐竹雞蛋糖水也不可能有客order才開始煲吧？要等咁耐??真的令人莫名其妙??楊枝金露味道好假，唔好食。腐竹雞蛋糖水，正常Ok的。八個人，埋單$1253，平均每位156元，唔算貴。《總括食物及價錢而然，以附近街坊來說，應是Okay的，唯碗碟清潔方面及上甜品過程真的有待改善。/但對於我個人來說，見識過便夠了，不會”再”山長水遠由大圍坐的士去青衣長康邨食呢間，唔值得。》