南小館 (青衣城2) (Closed)

星期日放假同家人一齊行青衣城購物同食飯，家人提議到青衣城第二期新開的南小館食上海菜，因為沒有預先訂位，所以六點半前便食晚飯，可能時間尚早不需要等位，好快可以入座。食物種類很多員工好快遞上前菜，係海苔花生拼辣菜脯，花生沾上碎碎的海苔，餸酒一流。點菜不到十分鐘，餸菜已陸續送上，十分之快。唯一斟茶，時常要叫職員先懂得添加，有待改善。食上海嘢必叫小籠包，一籠有5個，皮簿多汁。金網生煎窩貼，窩貼煎得夠香脆冷盤有燻魚及糖醋排骨，燻魚太乾身而且無汁味道麻麻地。糖醋排骨，酸酸甜甜，好開胃，味道不錯。紅燒乳鴿，乳鴿太瘦，無肉食黑松露素鴨，完全無黑松露味五彩安格斯牛肉，係全個餐牌上最貴的食物$118，粒粒牛肉沾上有介辣味的沙律醬汁，好好味。招牌葱油開洋拌麵，一絲絲炸過的葱絲佈滿麵上，散發出葱的香味，麵條硬道適中，啱曬我。鹹肉菜炒飯，飯炒得夠乾身，不太鹹。還有甜品 椰汁紫米紅豆小丸子，都不錯