譚仔三哥米線 (Go Go Mall)

Open Now

Now Closed

今日中午去咗試食譚仔三哥最新出嘅酸辣撈薯粉$39。聽講會送圍裙，但譚仔阿姐冇俾我，我就費事問佢拎。賣相其實真係幾靚。面頭有蔥花，青瓜，雲耳，薄脆同豬耳。因為本人唔食芫茜，所以走咗。一嚟到就聞到好大浸酸辣汁嘅香味。勁開胃勁醒神，夏天最適合食啲酸酸辣辣嘅嘢。辣汁預設左係5小辣，本人覺得岩岩好，唔會覺得太辣食唔到。但覺得略嫌偏酸。可能我食得太心急，無撈得好徹底。溫馨提示：酸辣汁會沈喺碗底，要不停撈不停食。