Video
Read full review
2015-09-10
730 views
最近聽好多朋友講有種叫蒸氣石鍋既食法，平時既我同朋友出黎都係去日式放題，韓燒同打邊爐多，有新野試，我又點會放過呀!今日試既係叫蒸氣石鍋，下面呢頂好似草帽既就係今晚既主角: 蒸氣石鍋，個蓋似係用藤編織既，外型有D似北非既Tajine。蒸氣石鍋旁邊有個計時器，食物上菜時係生既，要根據MENU上既「所需時間」黎蒸，每次只會蒸一個菜。蒜茸蒸生猛龍蝦: 用蒜蓉蒸開邊龍蝦, 一個好TYPICAL既中式做法，肉質彈牙，清蒸唔加任何醬汁先至食到佢既鮮甜味。講真，用筷子食真係有D難，侍應係呢個時候竟然主動地俾刀叉我地，非常細心，值得一讚。鑽石蜆: 蜆肉帶鮮味，肥美又重海水味，一D都唔靱。清蒸奄仔蟹: 蟹膏鮮甜得黎又香而且滑嫩，都幾新鮮，唔錯。日本大元貝皇: 算幾大隻同肥厚，加埋粉絲，可以吸下D鮮汁，撈埋d蒜粒感覺比薑蔥更加惹味。馬拉榚熱辣辣, 口感鬆化。蒸手剁豬肉丸: 呢個肉丸係以新鮮豬肉手剁而成，加左少少馬蹄同埋其他材料整成既，肉質好嫩滑，肉丸味道多層次。新鮮排骨粥 (細): 呢個排骨粥係全晚重頭戲，一開始未蒸任何食物時已經放入鍋底，食完晒所有野時個粥就應該READY，到果時都已經煲左成個鐘，個粥除左
今日試既係叫蒸氣石鍋，下面呢頂好似草帽既就係今晚既主角: 蒸氣石鍋，個蓋似係用藤編織既，外型有D似北非既Tajine。
蒸氣石鍋旁邊有個計時器，食物上菜時係生既，要根據MENU上既「所需時間」黎蒸，每次只會蒸一個菜。
蒜茸蒸生猛龍蝦: 用蒜蓉蒸開邊龍蝦, 一個好TYPICAL既中式做法，肉質彈牙，清蒸唔加任何醬汁先至食到佢既鮮甜味。講真，用筷子食真係有D難，侍應係呢個時候竟然主動地俾刀叉我地，非常細心，值得一讚。
鑽石蜆: 蜆肉帶鮮味，肥美又重海水味，一D都唔靱。
清蒸奄仔蟹: 蟹膏鮮甜得黎又香而且滑嫩，都幾新鮮，唔錯。
日本大元貝皇: 算幾大隻同肥厚，加埋粉絲，可以吸下D鮮汁，撈埋d蒜粒感覺比薑蔥更加惹味。
馬拉榚熱辣辣, 口感鬆化。
蒸手剁豬肉丸: 呢個肉丸係以新鮮豬肉手剁而成，加左少少馬蹄同埋其他材料整成既，肉質好嫩滑，肉丸味道多層次。
新鮮排骨粥 (細): 呢個排骨粥係全晚重頭戲，一開始未蒸任何食物時已經放入鍋底，食完晒所有野時個粥就應該READY，到果時都已經煲左成個鐘，個粥除左排骨之外仲有南瓜，煮出黎有少少金黃色。職員會視乎需要去加少少水既。蒸完食物後都攞走晒後，以下呢個就係製成品，個粥吸盡海鮮及肉汁精華的一鍋粥就在眼前 !個粥好棉好滑，仲好好味，因為有齊蒸每種食物既精華。
呢種蒸氣石鍋好有新鮮感覺，第一次「打邊爐」唔洗揀湯底，鍾意試新野既朋友真係真黎試下。
Post
