金記冰室 (Closed)

最近經過依間金記發現佢哋經常重複，成日都係「咖喱牛脷加魚柳」，我唔想要牛脷呀⋯⋯但真係一個星期起碼有三日都係同一樣嘢，搞到我都有一段時間冇再食。今次下午茶時間嚟到，諗住坐低咗，求其揀一樣嘢食，都諗咗好耐，見到佢哋有新嘅菜式，係秋冬餐牌。川味回鍋肉炒烏冬睇個賣相都幾有誠意，始終唔係午餐快餐，真係師傅即叫即整，夠晒鑊氣！份量亦都非常多，回鍋肉好大舊，不過有唔少係肥肉😅😅鹹香，配埋啲洋蔥，芹菜，都非常惹味。雖然係比較油膩，間中一次半次都OK嘅，起碼搞搞新意思冇咁悶。不過一到咗下午茶時間啲侍應就開始鬆懈，十問九唔應，服務有待改善。