牛魔王清湯腩咖喱專門店 (Closed)

之前搭小巴見到有新店裝修，舖名覺得幾吸引，所以就好奇想去試吓，今日下午返兼職前的時間就去啦！在門口睇餐牌時有位阿姐好詳細咁仲紹清湯腩的餐牌，本身喜歡吃清湯腩的我就入去慢慢坐啦！依家新店開張可以食清湯腩免費送熱飲，加$3有凍飲，呢個係吸引我入去的其中一個原因裡面座位有圓枱和卡位，我當然坐卡位啦！牆身有關於牛的身體詳盡介紹，等食物時覺得悶可以睇吓~~~在門口有價錢的餐牌睇，覺得適合自己的可以入去幫襯~~~本身只想吃清湯腩的我見到下午茶的餐牌覺得價錢都算相宜，下次返兼職前可以試食埋，我兼職通常晚上六、七點開工，所以喜歡搵飽肚的下午茶餐當晚餐，順便慳d錢（外出晚餐其實幾貴吓）之前在安寧路果邊幫襯另一間清湯腩，個餐牌冇呢間咁靚和仔細，我一向怕肥，每次食清湯腩一定要瘦，還有走葱，如果好似我咁揀飲擇食的朋友一定要留意啦！我今次試咗招牌清湯腩河粉（$40），個湯唔太喊，牛腩夠軟熟，阿姐話新鮮牛坑腩河粉（$45）更有肉味，因為果d肉近骨，搞到我心思思想試埋一份。我八卦地問咗原來到取外賣要加$1餐具費，果度有得叫外賣，但唔可以送太遠，我屋企在山貝村果邊，可能只有鳳園或者大公司的外賣才樂意服務原來在8月初開