Video
Read full review
2017-11-04
1168 views
係銅鑼灣行完街揾野食，接左呢張傳單，見92蚊有個set dinner, 佢話新開左7日。心諗，新開既餐廳，為左吸客，應該會比心機做，咁就試下啦。入到去環境一般，有d似X樂，X活既感覺。不過，D餐具竟然係公雞牌既。之前去過馬來西亞旅行， 記得係Madam Kwan's到食過椰漿飯，好好食，唔知呢度有冇呢。原來呢度出名食雞飯，不過我係走時先見到呢個招牌，所以冇試到。原來係集團經營既，別府集團都應該唔差掛？？香煎魚餅，食到有碎骨，不過煎得唔錯，唔會太濃，有鯪魚味。鮮魚湯龍躉頭米線。首先個湯係清甜既，幾好。龍躉頭就唔好有期望啦，話明係魚頭，所以真係無乜肉食，不過 d肉真係好甜好滑，所以個湯先咁入味。至於d米線，唔多點，淋姐姐，感覺浸左好耐咁。要改善下啦。至於個辣椒醬，普通貨，超市都可以買到。麻辣貓耳朶，呢個係成餐最好食既。冷盆，爽口彈牙，麻辣味濃，夠入味，係我接受到既辣到，份量都算多，值得一讚。最期待既椰漿飯呀呢個係小魚椰漿飯配香茅豬扒及太陽蛋。講左個飯先，佢雖然落左椰漿，但冇一坺野咁，d米係一粒粒清晰可見，很好。一口吃落去，椰香撲鼻，質感乾爽，沒有黏住漿糊既感覺，好食。至於隻蛋，做到流心效果
入到去環境一般，有d似X樂，X活既感覺。
不過，D餐具竟然係公雞牌既。
之前去過馬來西亞旅行， 記得係Madam Kwan's到食過椰漿飯，好好食，唔知呢度有冇呢。
原來呢度出名食雞飯，不過我係走時先見到呢個招牌，所以冇試到。
原來係集團經營既，別府集團都應該唔差掛？？
香煎魚餅，食到有碎骨，不過煎得唔錯，唔會太濃，有鯪魚味。
鮮魚湯龍躉頭米線。首先個湯係清甜既，幾好。龍躉頭就唔好有期望啦，話明係魚頭，所以真係無乜肉食，不過 d肉真係好甜好滑，所以個湯先咁入味。至於d米線，唔多點，淋姐姐，感覺浸左好耐咁。要改善下啦。至於個辣椒醬，普通貨，超市都可以買到。
麻辣貓耳朶，呢個係成餐最好食既。冷盆，爽口彈牙，麻辣味濃，夠入味，係我接受到既辣到，份量都算多，值得一讚。
最期待既椰漿飯呀呢個係小魚椰漿飯配香茅豬扒及太陽蛋。講左個飯先，佢雖然落左椰漿，但冇一坺野咁，d米係一粒粒清晰可見，很好。一口吃落去，椰香撲鼻，質感乾爽，沒有黏住漿糊既感覺，好食。至於隻蛋，做到流心效果，很好。香茅豬扒就唔多點啦，淡而無味，而且煎得唔夠香口，一d口感都冇。佢d伴菜，花生反而好脆好香口，魚仔也可以，用黎伴椰漿飯確係絕配。成個飯既敗筆處就係塊香芧豬扒到，如果唔係就好好食啦。
餐飲要左一杯羅漢果水和一杯斑蘭檸檬意米水，不用加錢，反而其它大路飲品就要加錢啦。
羅漢果水唔苦，而檸檬意米水就好足料，酸酸地，兩杯都可以幫助清熱排毒，唔錯。
Post
