Amaroni's New York Italian Restaurant & Café (又一城)

Open Now

Now Closed

每次行又一城經過呢間餐廳都覺得好靚好豪華咁。今次終於有機會試，點知就中咗伏了。我哋叫咗Dinner set，計埋服務費都成$700幾蚊。一坐底冇耐，未叫野就攞咗餐包俾我哋。之後前菜：沙律一上，見到唔係用沙律菜，而係用普通生菜同西生菜，已經覺得有少少唔對路。😢😢😢等咗10 分鐘左右就上主菜啦。個牛扒叫五成熟，但食落要咬好耐，好韌，而且都冇肉汁，再加上煎到有啲燶燶哋😕😕😕到個risotto就真係食到懷疑人生，睇落似普通米煮出嚟咁，啲飯爆開晒，明顯又係煮得太熟，食落似燴飯咁。😡😡😡跟set有兩杯野飲，好似唔記得咗咁，要提職員先醒起漏咗。最後係甜品Tiramisu，驚喜嘅係有酒香味，但唔夠creamy，啲手指餅一嚿嚿咁，同啲cream好唔夾，食入口好似食緊兩樣野咁😩😩😩呢個價錢但俾啲咁嘅質素我，真係唔會有第二次！