紫荊閣海鮮酒家 (Closed)

老豆喜歡食懷舊菜，見到這間的食評不錯，專登約埋成家人來試。原本想食鴨掌包同金錢雞，但由於禽流感關係，此兩味餸都沒有供應，很失望。部長話八寶鴨同冬瓜盅只剩一個，問我地要唔要，當然要啦。最後叫咗以下食物︰冬季盅 - 份量很大，足夠每人兩蜿八寶鴨 - 好大隻，不過好”林”，阿媽話似煲完湯d湯渣龍鳳球 - 好好味，每人一粒，不過細咗d咕嚕肉 - 炸得好乾身，好爽，冇咩肥肉焗魚腸 - 一定要趁熱食，很香，面層焗得好脆 魚頭煲 - 味道淡咗少少最後送糖水，蕃薯糖水和綠豆紗。蕃薯糖水很甜，個人比較喜歡綠豆紗。服務好好，唔錯。下次一定要試鴨掌包同金錢雞。