Video
Read full review
2022-09-08
18 views
介紹返💁🏻♀️。。🇭🇰 西餐 在將軍澳 🇭🇰。OMG Chicken。MONTEREY Place 地下G23A號舖。煙三文魚凱撒沙律 Smoked Salmon Caesar Salad。HKD88 + 10%法式蜜糖烤雞 Sweet Honey Roasted Chicken 。HKD98 + 10% @ 4 pcs。HKD168 + 10% @ 8 pcs青芥蟹籽雞翼 Wasabi Mentaiko Chicken Wings。HKD78 + 10% @ 5 pcs香草白酒煮藍青口 White Wine Blue Mussels 。HKD88 + 10%蜜桃四季春 Peach Sijichun Tea。HKD36 + 10%🤫 啱啱嘅星期一終於要回復正常..點解咁講?因為生日飯又食完..Staycation都去完..又要繼續捱驢仔啦..一日辛勞之後約個朋友出嚟食飯吹水..又唔想行得遠..一於去返將軍澳好多好嘢食嘅海濱MONTEREY Place..今次第一次試OMG Chicken 🤫 睇Menu之前我一路都以為呢度係食韓式炸雞㗎..點知原來呢度係食西餐架喎..又真係估你唔到喎.
。
。
🇭🇰 西餐 在將軍澳 🇭🇰
。OMG Chicken
。MONTEREY Place 地下G23A號舖
。
煙三文魚凱撒沙律 Smoked Salmon Caesar Salad
。HKD88 + 10%
法式蜜糖烤雞 Sweet Honey Roasted Chicken
。HKD98 + 10% @ 4 pcs
。HKD168 + 10% @ 8 pcs
青芥蟹籽雞翼 Wasabi Mentaiko Chicken Wings
。HKD78 + 10% @ 5 pcs
香草白酒煮藍青口 White Wine Blue Mussels
。HKD88 + 10%
蜜桃四季春 Peach Sijichun Tea
。HKD36 + 10%
🤫 啱啱嘅星期一終於要回復正常..點解咁講?因為生日飯又食完..Staycation都去完..又要繼續捱驢仔啦..一日辛勞之後約個朋友出嚟食飯吹水..又唔想行得遠..一於去返將軍澳好多好嘢食嘅海濱MONTEREY Place..今次第一次試OMG Chicken
🤫 睇Menu之前我一路都以為呢度係食韓式炸雞㗎..點知原來呢度係食西餐架喎..又真係估你唔到喎..咁我哋兩條女人仔食唔得多..一於叫一份沙律兩個小食加一份烤雞
🤫 嘢食同埋飲品上枱速度都非常之快..咁先嚟講下Appetiser先.. Caesar Salad嘅Caesar份量恰到好處..唔似得外邊有啲餐廳好似沙律醬唔使錢咁樣落勁多勁鹹..而且煙三文魚都有成三大片..都OK喎
🤫 然後就係我最欣賞嘅白酒煮青口..本身藍青口都係屬於細Size嘅青口嚟嘅..所以呢度嘅藍青口屬於正常size啦..最緊要就係夠大份..一人都食到十隻八隻㗎..而且白酒味香濃非常入味..剩返嗰啲汁我忍唔住當湯咁飲呀🤭
🤫 再嚟就係Wasabi雞翼..雞中翼炸得夠香脆而且夠晒乾身..Wasabi沙律醬有輕輕嘅刺激感但係唔算辣..再加上卜卜脆嘅蟹籽..成個口感都非常之特別
🤫 食到呢一度我哋開始感覺到有少少飽..好彩我哋冇眼闊肚窄..只係叫咗四件雞..如果唔係都幾大鑊..我哋揀嘅法式蜜糖烤雞一上枱就已經覺得好飽滿好靚仔..四件雞分別係兩個大雞鎚同埋兩隻雞翼連雞翼尖..整體每一嚿都好大件..蜜味唔算係好濃郁但係算係剛剛好..而且肉質嫩滑Juicy..大滿足
🤫 差啲唔記得講我哋一人仲叫咗一杯特飲..係暫時Menu都未有嘅Peach四季春..味道唔算太甜但係有好香嘅桃味..食熱氣嘢就最啱啦
🤫 總括嚟講呢次係一個愉快嘅晚餐..OMG Chicken地方唔算係好大..但係座位非常闊落而且舒適..可以邊食邊吹水..然後嘢食份量都非常性價比..最緊要唔好睇佢個名咁韓風以為係食韓式炸雞..其實佢係法式烤雞嚟㗎..haha
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈）
。。
Post
