Video
Read full review
2023-01-11
134 views
介紹返💁🏻♀️。。🇨🇳 川燒 在尖沙咀 🇨🇳。串燒殿。金巴利道58號A號舖。燒豆卜。燒翠玉瓜。燒士豆片。醬燒雞脾菇。烤牛奶甜包。HKD14 @ 一串燒脆香卜卜魚腐。HKD18 @ 一串甜蜜脆脆燒昋蕉。HKD24燒雞皮串。HKD26 @ 兩串燒日本霜降一口和牛。HKD38 @ 一串清酒煮花甲。燒蒜蓉粉絲蟶子皇。汁燒白鱔。HKD58燒法式鵝肝多士。HKD78 @ 兩件🤫 川燒即係四川式串燒..慣常用勁多嘅調味粉鋪滿一串串嘅串燒..味道香辣..仲有好重嘅孜然味..正正因為尋晚誤打誤撞..食咗我人生第一次嘅川燒..然後我對辣哩個味道又多咗另一個睇法🤫 話說飛完BKK返嚟諗住約朋友仔俾份小手信佢..咁就隨便喺尖沙咀搵咗間專食串燒嘅小店..諗住邊食邊吹水..去到先知原來串燒殿並唔係我心目中最普通嗰種日式串燒..而係我哩個一啲辣都唔鍾意食嘅人成世都無諗過要食嘅四川串燒..不過既然一場嚟到..朋友又覺得OK嘅..咁咪照試囉🤫 串燒殿雖然鋪頭仔細細..但係又無話將啲位放到迫迫夾咁..坐得都幾舒服嘅..然後呢度係用QR Code自助落單嘅..我哋兩條女見到樣樣嘢食都好似好好味..為咗唔好做大嘥鬼..我哋決
。
。
🇨🇳 川燒 在尖沙咀 🇨🇳
。串燒殿
。金巴利道58號A號舖
。
燒豆卜。燒翠玉瓜。燒士豆片。
醬燒雞脾菇。烤牛奶甜包
。HKD14 @ 一串
燒脆香卜卜魚腐
。HKD18 @ 一串
甜蜜脆脆燒昋蕉
。HKD24
燒雞皮串
。HKD26 @ 兩串
燒日本霜降一口和牛
。HKD38 @ 一串
清酒煮花甲。燒蒜蓉粉絲蟶子皇。汁燒白鱔
。HKD58
燒法式鵝肝多士
。HKD78 @ 兩件
🤫 川燒即係四川式串燒..慣常用勁多嘅調味粉鋪滿一串串嘅串燒..味道香辣..仲有好重嘅孜然味..正正因為尋晚誤打誤撞..食咗我人生第一次嘅川燒..然後我對辣哩個味道又多咗另一個睇法
🤫 話說飛完BKK返嚟諗住約朋友仔俾份小手信佢..咁就隨便喺尖沙咀搵咗間專食串燒嘅小店..諗住邊食邊吹水..去到先知原來串燒殿並唔係我心目中最普通嗰種日式串燒..而係我哩個一啲辣都唔鍾意食嘅人成世都無諗過要食嘅四川串燒..不過既然一場嚟到..朋友又覺得OK嘅..咁咪照試囉
🤫 串燒殿雖然鋪頭仔細細..但係又無話將啲位放到迫迫夾咁..坐得都幾舒服嘅..然後呢度係用QR Code自助落單嘅..我哋兩條女見到樣樣嘢食都好似好好味..為咗唔好做大嘥鬼..我哋決定每樣都嗌一串嚟試吓先..亦都因為種類繁多..而家就排名不分先後咁逐樣逐樣介紹你聽～
🤫 由最抵食嘅十四蚊一串開始講起先啦..翠玉瓜一串有三大片厚切..好欣賞佢哋做得到兩邊乾但係入邊勁多水份勁Juicy..然後豆腐卜一串有五粒..脆口得嚟有好香嘅孜然粉味..成件事好Match..而燒士豆片可以話係四川串燒最出名嘅選擇之一..因為薯仔片薄切然後上邊鋪滿香辣調味粉同孜然粉..味道迅速咁樣俾薯仔吸收咗..完全可以達到最惹味嘅效果..唔知係咪近排食得辣嘢多咗..呢一種香辣再加孜然粉嘅味道又唔係咁難接受喎..另外汁燒雞髀菇亦都係好考師傅技巧嘅其中一個項目..因為菇菌類真係好難拿捏..好容易變得乾爭爭..而呢度燒得恰到好處..夠水份之餘口感亦都非常好
🤫 再嚟就介紹吓我自己最欣賞嘅魚腐串..一串有三大粒..魚腐外脆內軟..我都唔知道原來燒嘅魚腐係咁好食個喎..我決定下次一定會再食呢個..而雞皮廿六蚊有兩串..皮薄而且脆..雞油分佈相當平均..香口惹味..另外霜降一口和牛一串有六粒..牛味都幾香..又係技巧之作..肉質Keep得到嫩滑..都算係性價比..鵝肝雖然唔算太大份..有兩件細細件嘅..味道都算香濃..而我最欣賞反而係佢下邊墊住嗰塊多士..塊多士有用蜜糖烤㗎..蜜糖味再加鵝肝油嘅味道..正
🤫 然後就講重頭戲部份啦..登登登櫈..海鮮出場..最鍾意係個蟶子皇..蟶子厚肉而且非常之足料..勁多粉絲勁多蒜蓉仲有勁多孜然粉調味..好鬼惹味呀呢個..簡直顛覆咗我對辣味嘅感覺..我開始欣賞呢種味道..然後個白鱔就係朋友仔最鍾意嘅..都係嗰種外脆內軟..入邊夠晒Juicy咁樣囉..清酒煮花甲反而味道有啲似Sukiyaki..唔知係咪轉咗調味呢..不過都唔緊要..最緊要係蜆肉夠晒多..邊傾邊食最開心
🤫 其實食到嚟呢度已經飽到咁上下㗎啦..但係喺個Menu上邊俾我見到一個叫做烤牛奶甜包嘅嘢..睇相就有啲似煉奶多士..食到咁飽係時候當甜品食一份啦..又真係幾好味喎..多士非常香脆而且有足夠嘅煉奶仲有芝麻添..如果唔係咁飽我一定會Encore..然後朋友仔叫咗燒蕉..佢話燒得夠軟熟..再加上朱古力醬喺面..成餐飯變得圓滿
。。
翻兜指數：🙆🏻♀️🙆🏻♀️ （5個🙆🏻♀️為翻兜爆燈)
。。
Post
