Video
Read full review
2023-09-13
74 views
介紹返💁🏻♀️。。🇯🇵 日本菜 在北角 🇯🇵。三代目 Sandaime。港運城地下11-13號舖。薯仔沙律 Potato Salad。HKD42 + 10%火炙帆立貝壽司 Seared Scallop Sushi。HKD48 + 10%吞拿魚蓉壽司 Tuna Sushi。HKD58 + 10%大蜆味噌煮 Miso Cooked Clams。HKD82 + 10%海之天婦羅 Seafood Tempura中蝦 Prawn。鯛魚 Snapper。黑松露帶子Black Truffle Scallop。墨魚 Cuttlefish。紫蘇葉 Japanese Perilla。HKD118 + 10%三盛燒肉丼 Deluxe Meat Don煙燻雞 Smoked Chicken。五花肉 Pork。牛舌 Ox-Tongue。HKD108 + 10%🤫 Wei..今日竟然要OT..做到成七點先收工..落樓先發現原來好肚餓..於是乎同O同事過咗北角嗰邊開大餐..以慰OT之苦😌🤫 入到三代目先知道原來餐廳都幾大間..之前成日都係搭叮叮經過港運城嗰陣見到..外邊睇以為豆腐膶咁細..點知呢度卡位多又闊落仲要樓底
。
。
🇯🇵 日本菜 在北角 🇯🇵
。三代目 Sandaime
。港運城地下11-13號舖
。
薯仔沙律 Potato Salad
。HKD42 + 10%
火炙帆立貝壽司 Seared Scallop Sushi
。HKD48 + 10%
吞拿魚蓉壽司 Tuna Sushi
。HKD58 + 10%
大蜆味噌煮 Miso Cooked Clams
。HKD82 + 10%
海之天婦羅 Seafood Tempura
中蝦 Prawn。鯛魚 Snapper。黑松露帶子Black Truffle Scallop。墨魚 Cuttlefish。紫蘇葉 Japanese Perilla
。HKD118 + 10%
三盛燒肉丼 Deluxe Meat Don
煙燻雞 Smoked Chicken。五花肉 Pork。牛舌 Ox-Tongue
。HKD108 + 10%
🤫 Wei..今日竟然要OT..做到成七點先收工..落樓先發現原來好肚餓..於是乎同O同事過咗北角嗰邊開大餐..以慰OT之苦😌
🤫 入到三代目先知道原來餐廳都幾大間..之前成日都係搭叮叮經過港運城嗰陣見到..外邊睇以為豆腐膶咁細..點知呢度卡位多又闊落仲要樓底高..今次冇嚟錯
🤫 同事O飯桶一名..乜都唔諗Order咗個三盛燒肉丼..其餘由我發辦..我就揀咗食兩件大大件嘅壽司然後Share個大蜆鍋天婦羅同埋薯仔沙律
🤫 同事O話個丼飯量多肉都夠多..牛舌雞柳豬五花各三大件..以五花肉最為出色..肥瘦均勻而且燒得夠香..牛舌則軟滑冇筋味道濃郁..雞柳有淡淡嘅煙熏味道
🤫 大蜆鍋同薯仔沙律我平時喺屋企叫寶琳嗰間三代目外賣嘅時候都經常會叫..所以完全冇擔心過質素嘅問題..嚟到北角嘅三代目..可能因為現場食所以個大蜆鍋滾住咁樣更加鮮味..就連個味噌湯底都好味咗
🤫 薯仔沙律呢～我平時食開所以就唔覺得有咩特別..但係同事O就大讃..佢話點解一個薯仔沙律可以有咁多材料..有紅蘿蔔片青瓜絲紫椰菜絲仲有碎蛋..顏色豐富又好食(😌唔好嘅嘢我都唔介紹你食啦傻佬)
🤫 天婦羅方面有一隻中蝦兩件墨魚一大粒帆立貝同埋一件鯛魚..炸漿唔算太厚而且夠乾身唔油膩..天婦羅蝦爽口..墨魚軟熟..然後帆立貝帶有淡淡嘅黑松露味..唯獨係鯛魚比較淡口啲
🤫 最後就講吓我嗰兩件壽司..佢係好似中環Rollie嗰啲紫菜手卷壽司咁樣..用一個托承載住一件紫菜包住嘅壽司..淨係睇個賣相都已經非常吸睛..火炙帆立貝超大一粒肉地好好而且爽甜..然後吞拿魚蓉壽司亦都非常足料..呢度一件壽司頂得住出邊嘅兩件壽司..我真心推介
🤫 雖然OT好似好慘(只係O咗一個鐘啫🤣)但係又有個藉口出去食吓好嘢..其實都唔係一件壞事..講返三代目..唔知幾時開始就喺app嗰度見到佢嘅存在..叫下叫下都叫咗十幾廿次..然後今次都係第一次堂食..發現堂食令人更加滿意..今次去北角呢間又夠舒服又夠方便..嘢食質素仲要非常之好..等我下次去寶琳嗰間試吓坐低食先😎
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
💮已翻兜次數：10次💮
。。
Post
