Video
Read full review
2023-11-06
814 views
介紹返💁🏻♀️。。🇸🇬 星加坡菜 在寶琳 🇸🇬。蒲羅 Pulau。新都城中心一期G樓G13-G15號。蒲羅喇沙摻摻 Pulau Laksa。HKD72新加坡白胡椒肉骨茶配 米飯 or 米粉White Pepper Bak Kut Teh with Rice or Rice Vermicelli。HKD75套餐升級優惠菠蘿椰汁冰 Pineapple & Coconut Smoothie。加 HKD8美祿哥斯拉 Milo with Coco Ball。加 HKD8🤫 不經不覺又喺公司嗰度做多咗大半年啦..早幾個禮拜再次收到HR一年一度Mid Year Review Reminder四隻大字標題嘅Email..梗係呢呢嗱嗱做鬼咗佢啦..然後等到花兒也謝了都未等到波士約我去1:1..今朝早咪扚起心肝叫佢俾個期我囉..點知佢就即刻話既然大家今日都Work From Home一於就叫我行過去佢屋企樓下陪佢試吓新開嗰間星加坡嘢食過Late Lunch兼且One咗佢喎😐好啦～既然佢咁想Casual One又有餐食吓咁樣我實何樂而不為㗎😏🤫 就係咁樣..頭先我兩點零鐘過咗寶琳奉旨試咗間新嘢😆間嘢叫做蒲羅
。
。
🇸🇬 星加坡菜 在寶琳 🇸🇬
。蒲羅 Pulau
。新都城中心一期G樓G13-G15號
。
蒲羅喇沙摻摻 Pulau Laksa
。HKD72
新加坡白胡椒肉骨茶配 米飯 or 米粉
White Pepper Bak Kut Teh with Rice or Rice Vermicelli
。HKD75
套餐升級優惠
菠蘿椰汁冰 Pineapple & Coconut Smoothie
。加 HKD8
美祿哥斯拉 Milo with Coco Ball
。加 HKD8
🤫 不經不覺又喺公司嗰度做多咗大半年啦..早幾個禮拜再次收到HR一年一度Mid Year Review Reminder四隻大字標題嘅Email..梗係呢呢嗱嗱做鬼咗佢啦..然後等到花兒也謝了都未等到波士約我去1:1..今朝早咪扚起心肝叫佢俾個期我囉..點知佢就即刻話既然大家今日都Work From Home一於就叫我行過去佢屋企樓下陪佢試吓新開嗰間星加坡嘢食過Late Lunch兼且One咗佢喎😐好啦～既然佢咁想Casual One又有餐食吓咁樣我實何樂而不為㗎😏
🤫 就係咁樣..頭先我兩點零鐘過咗寶琳奉旨試咗間新嘢😆間嘢叫做蒲羅..寶琳呢間好似已經係佢哋第三間分店..食星加坡嘢為主..餐廳係L字型格局..啲位都幾舒服而且有好多四人卡位都算係幾有Privacy..裝潢就呈現東南亞風..即係柔和燈光配啲藍藍綠綠嘅芭蕉葉咁樣..感覺都幾Chill嘅
🤫 咁話晒呢餐都係有大食大..梗係唔執輸試吓呢度嘅Signature喇沙..蒲羅喇沙摻摻啦..碗嘢都幾大碗..份量都幾多㗎..估唔到都只係賣緊七十二蚊仲要冇加一..餸菜就樣樣都有啲啦..有中蝦有魚片魚蛋豆腐卜同半隻溫泉蛋..而佢嘅賣點就係有幾隻螄蚶仔..又咁講喎～自從鰂魚涌嗰間小娘惹執咗之後我都好少見到有星加坡餐廳嘅喇沙會用螄蚶呢隻食材啦..雖然俾嘅份量唔算太多而且螄蚶個Size唔係話好大隻..但係有得食總好過冇得食..因為真係唔係太多地方有得食..而且佢哋螄蚶嘅Quality都幾好..味道唔錯食得出新鮮嘅..喇沙摻摻方面..米粉油麵一比一都算係幾正宗..湯底非常之惹味帶少少辣..相當唔錯..而且仲俾咗好多芽菜..比較特別嘅係佢哋呢度仲有比青瓜絲..原來又幾襯個喎～青瓜絲嗰種爽甜係可以中和到喇沙嗰啲辣油嘅辣味..個人非常欣賞🫶🏻
🤫 至於Boss就叫咗乜鬼嘢白胡椒肉骨茶..佢比我𢳂咗一啖湯試吓..個白胡椒味超級勁喎..冬天飲真係一流..Boss都表示非常滿意..唯一就係胡椒味咁出色導致肉骨茶通常會有嘅藥材味比較淡口啲..呢啲就視乎大家嘅口味啦..然後佢呢個肉骨茶嘅餸菜都幾好喎..有三大片豬腩肉再加兩嚿連骨嘅大豬肉..食肉獸應該會好滿足..旁邊仲有原粒嘅蒜頭呢個就真係估唔到喎..配埋佢哋附有嘅油炸鬼食..都真係好鬼飽肚㗎
🤫 飲品方面..嗰啲特飲都只係需要加八蚊..波士揀咗Fat Fat嘅美祿哥斯拉..杯美祿本身都沖得好濃郁所以就算放埋冰粒都唔會搞到杯嘢變得稀流流..面頭仲加咗一啲美祿脆波波..有得食又有得飲都幾過癮..呢啲真係啱晒小朋友😆
🤫 而我就揀咗都只係加八蚊雞嘅菠蘿椰汁冰..話時話原來我從來都未試過將菠蘿同埋椰汁擺埋一齊..原來又幾襯個喎..係我鍾意嘅味道..而且餐廳將佢打咗做Smoothie..飲落真係啖啖爽..好似我咁食些少辣嘢飲呢杯就啱晒
🤫 食完晒嘢之後..臨買單之前Boss話工作方面佢對我都冇乜特別要求..平時做嘢都OK啦..唯一就係我入咗嚟做之後一年肥過一年..叫我唔好食咁多嘢..係時候瘦返個身咁話喎😤究竟係邊個叫我走出嚟食呢個Late Lunch㗎🙃
。。
翻兜指數：🙆🏻♀️🙆🏻♀️🙆🏻♀️ （5個🙆🏻♀️為翻兜爆燈）
。。
Post
