Video
Read full review
2021-04-18
2731 views
Michelin ⭐️⭐️.今個月嘅Menu，係以花做主題🌺，因為呢個季節係正值日本櫻花🌸盛開嘅時間，所以廚師希望客人就算去唔到日本🇯🇵旅行，都可以係菜式入邊享受到花，所以每一道菜都有不同嘅花入饌🌼，當然唔少得櫻花.1. 先付 - 有我最愛嘅螢光魷魚🦑，不過今次係煮熟咗，魷魚入邊有好香嘅魷魚膏2. 煮物碗 - 呢個湯嘅味道比較清一啲，海老真蒸嘅口感幾得意🥣3. 造里 - 今日嘅刺身有鯛魚、拖羅、醃製拖羅、千切魷魚、海膽🍣，不過很可惜佢嘅鯛魚有根，反而調味就幾特別，有紫蘇花、紫蘇葉、辣花、昆布醬油同柚子醬，多重味覺嘅衝擊4. 八寸 - 八寸，顧名思義即係有八樣食物，有鯛魚白子、厚燒玉子、油菜花海苔卷、煮竹蝦、田樂赤蒟蒻、利休麩、蜜糖豆、蠶豆同花瓣百合根，之前見人食白子，comment都好兩極化🤔，今次試咗覺得都唔太差，可能因為佢用清酒浸過🍶，所以覺得可接受，另外田樂又係第一次食嘅嘢，佢嘅成份有醬油、蛋同糖，口感煙煙銀銀，幾有趣5. 燒物 - 用嘅係鹿兒島A4和牛，煮到半熟，肉質嫩滑，好味🥩6. 鉢物 - 廚師將一舊魚🐟切開為幾片，再炸過，所以每一面都香脆，但係浸喺係湯度，所以都唔會覺得熱氣7
.
今個月嘅Menu，係以花做主題🌺，因為呢個季節係正值日本櫻花🌸盛開嘅時間，所以廚師希望客人就算去唔到日本🇯🇵旅行，都可以係菜式入邊享受到花，所以每一道菜都有不同嘅花入饌🌼，當然唔少得櫻花
.
1. 先付 - 有我最愛嘅螢光魷魚🦑，不過今次係煮熟咗，魷魚入邊有好香嘅魷魚膏
2. 煮物碗 - 呢個湯嘅味道比較清一啲，海老真蒸嘅口感幾得意🥣
3. 造里 - 今日嘅刺身有鯛魚、拖羅、醃製拖羅、千切魷魚、海膽🍣，不過很可惜佢嘅鯛魚有根，反而調味就幾特別，有紫蘇花、紫蘇葉、辣花、昆布醬油同柚子醬，多重味覺嘅衝擊
4. 八寸 - 八寸，顧名思義即係有八樣食物，有鯛魚白子、厚燒玉子、油菜花海苔卷、煮竹蝦、田樂赤蒟蒻、利休麩、蜜糖豆、蠶豆同花瓣百合根，之前見人食白子，comment都好兩極化🤔，今次試咗覺得都唔太差，可能因為佢用清酒浸過🍶，所以覺得可接受，另外田樂又係第一次食嘅嘢，佢嘅成份有醬油、蛋同糖，口感煙煙銀銀，幾有趣
5. 燒物 - 用嘅係鹿兒島A4和牛，煮到半熟，肉質嫩滑，好味🥩
6. 鉢物 - 廚師將一舊魚🐟切開為幾片，再炸過，所以每一面都香脆，但係浸喺係湯度，所以都唔會覺得熱氣
7. 食事 - 呢個飯嘅海膽同刺身入邊嘅海膽味道有啲唔同，米係新瀉米🍚，不過就係冇調味嘅白飯，相信如果有調味會更好食
8. 菓子 -係三色丸子🍡，白色同粉紅色都冇咩特別嘅味道，而綠色就係艾草味，另外再配以抹茶
9. 水物 - 幾款時令水果配以啫喱同埋乳酪🍈
.
平時食呢啲嘢，我都會book吧枱，因為鍾意睇住廚師煮嘢食👨🏻🍳，所以今次都係book counter table，不過呢度坐吧枱係唔係幾睇到烹調嘅過程中，廚師亦唔會同客人有任何交流，呢點就爭啲🥲
.
整體食物質素穩定、有水準，餐具同食物擺盤都好精緻，可以一試😋
Post
