西餐大排檔 (Closed)

睇見咁多好評，今晚一試，只可以講一句伏已中。嘢食貴夾唔掂唔在講，仲要等好耐，一路食都您度諗點解咁多好評，啱啱細心睇，真係篇篇都唔尋常咁讚好，講到好似唔食會走寶，再睇中間夾雜啲劣評，每次有人申訴中伏都會有一個叫晉峰嘅人出嚟留言幫大排擋發聲護航，加上以呢間餐廳嘅規模，有乜可能一日會有幾篇食評，仲要篇篇都有讚冇彈丫，睇完咁多篇老作食評，你就一定會睇得出啲段落字詞有幾雷同，有幾巧合。總之唔想中伏嘅話，都係避之則吉。