土炮懷舊特飲 (Closed)

呢個商場好多平民掃街小店，非常適合長期糧尾嘅我嚟填肚。見到好多屯門友都讚過土炮個炸蜜瓜奶，就慕名而來。$20有3粒，熱辣辣炸起，炸粉唔會太厚，個涵好重蜜瓜奶味，又唔會似普通炸奶咁過甜，最緊要係冇一放入口就散，而係淋得黎又可以喺口入面妹下妹下，一個人食三粒啱啱好！本身想叫埋佢啲特飲，不過又唔想飲凍飲，等下次先。最後口痕，叫多個炸菇拼盤，有齊三種菇，呢個就等左15分鐘喇，但值得嘅，好似台灣夜市啲杏鮑菇嘅調味，不過金菇炸完真係太過油喇。