盛寅慢煮製麵 (Closed)

今日放工同同事行到過黎牛頭角呢面撘車，見到呢間麵鋪新開好似都幾吸引，於是就坐底食埋碗麵先行，好彩我呢個決定係正確，因為個麵真係好出色。首先其實我係俾佢慢煮個名吸引左，果然無令我失望，叫左兩個小食，日本醬煮牛筋同埋椒鹽無骨雞翼，兩個都好好味，牛筋個味道好特別，甜甜地好入味又夠淋，雞翼皮薄又脆，雞肉juicy又滑，真係感受到餐廳用心製作既誠實。之後叫左兩碗麵，蝦油拌麵味道濃得黎又油膩，份量唔錯味道又好味。之後霸王雞拌麵，個雞又係好滑好juicy，加埋個大地魚蝦米湯真係好正，呢個價錢食到個咁有質素既晚餐真係無得頂，最後睇餐廳個名都好似有d日本既感覺，食物既用心精緻都好有日式既味道，問番先知原來真係一個日本人開既，唔怪得真係咁出色，絕對要encore