蜜密 (Closed)

同好朋友係元朗食完晚餐，梗係要食下糖水。食糖水點少得搵個又有特色又好咪既甜品影下相！嚟到蜜密一家要食外型好特別既honey secret$98 見到第一眼，友人都忍唔住叫左一聲好靚丫。外型就係一個波波球，原來係店員親手用糖拉出嚟。入面係紅豆酥皮的麵包仔，拎開個波波球就見到個底有朱古力醬。用酥皮麵包仔沾朱古力醬真係幾好味，唔會太甜。另外一個甜品就係「甜蜜王國」$98佢由三樣甜品組成，分別有:-朱古力心太軟-芒果鮮吉士醬拿破崙-朱古力窩夫每次最期待的事就是打開心太軟！心太軟打開之後，有朱古力流出嚟。熱度啱啱好，不過啲朱古力有啲杰身，如果稀返少少就一流！別外一樣係芒果鮮吉士醬拿破崙拿破崙，餅皮很酥脆，中間既奶油又軟又滑，兩個人一人一半就啱啱好。雪糕既味道好似富豪雪糕既味道，好正！而拿破倫的餅有三層高，中間都夾住吉士。我地將佢切成四份，三層一齊食，好有口感。最後一樣就係朱古力窩夫呢個朱古力窩夫我就覺得麻麻地，因為個窩夫有啲乾，不過用窩夫沾啲cream食又不是太差。