Proton

Open Now

Now Closed

元朗有唔少特色小店，試完哩間西餐，的確值得介紹俾朋友。座位唔多，但坐得舒服，服務亦都好周到，平日lunch室內都坐滿，最好訂位，亦可以選擇坐室外感受另一番風味。Lunch set 好抵食，包沙律🥗/餐湯及餐包🍞，飲品仲可以有半價優惠。南瓜🎃湯十分濃郁，餐包香脆。黑松露煙三文魚手打意大利麵🍝$88手製意粉外型似烏冬，口感好特別，彈牙有蛋香，醬汁配搭合宜，淡淡黑松露又帶點油香。蒜烤澳洲西冷扒🐮$148雖然我要七成熟，但一定都唔會韌，保留到肉汁，仲有太陽蛋同薯餅，大滿足！。黑松露焗脆薯條🍟$60酥脆香口，讚！👍🏻綠茶Tiramisu🍰$綠茶同Tiramisu嘅配搭都係第一次，原來都幾夾。Dirty Coconut🍹有椰子香味又保留到咖啡的香濃，推薦！Rose Strawberry Latte☕好適合女士的咖啡，玫瑰花香加埋士多啤梨嘅甜味，好sweet。下次約朋友都會再來。